Həmməy sanqsiyaon peqəte çı atom muzakirəon mehvəre.

Tehroni cumə nımuji xətib təsdiğış karde ki Həmməy sanqsiyaon peqəte çı atom muzakirəon mehvəre.

Tehroni zinə ruji cumə nımuji xətib zinə votışe: muzakirəon mehvər həmməy sanqsiyaon bə ikərə ləğv karde iyən Amerkə və Avropa tərəfon bəştə məsuliyəti əməl karde be və ısət atom muzakirə tərəfon bəpe İroni ın iştirokiku rozi bıbun, boçi ki əvon bə atom sazışi əməl nıkardışone.

Hucətul islam vəl muslemin Muhəmməd Cəvad Əliəkbəri əlovəş karde: İroni muzakirə əkə heyət de zumandəti bə meydon varid bıə, əqəçe muğabil tərəfon de təhrif metodi iyən İroni daxeli şərayeti bə yande jey vositə pidəşone de muzakirə təmərkuzi xərob kardey İroniku emtiyoz bıqəton ki hukmən muvəffəğ nibəben.

Əv təkidış karde: ğərb be ki bə saziş bəfodor nımande və ısət bəpe de muzakirəku ruzi mande bə i kərə anti İron sanksiyaon ləğv kon, çən həni bə co məsələon işorə karde lozim ni.

Tehroni cumə nımuji xətib ğərbi kişvəron tərəfo anti İron macəra əsoxtə təhdidon bə yod vardışe iyən votışe: çəvon mıvğiyət qəte bənə zərfət mandə və əvon ıştən aqahin ki hiç ko əncom doe əzı nin.

Hucətul islam vəl muslemin Muhəmməd Cəvad Əliəkbəri əlovəş karde: umidvarimon ki diplomatia baxşədə həm İroni diplomaton səbarzəti bıvindəmon, əlbəttə təhrimon peqəte de əvoni betəsir karde i ni və əmə bəpe sanksiyaon betəsir kardeyro bə daxıli zərfiyəti təkyəkəmon.

Tehroni cumə nımuji xətib bə Həzrəte Xanım Fatimə(s) şəhodətə əyyomi dəme işorəş karde və votışe: ə həzrət çı bəyon cihodi bino əkə be ki tarixi vey mislış nıbıə muhimmə zəmonədə ın koş əncom do.