Buşehri atom stansiya osmonədə silohinə ğıvvon hərbi təlim.

İroni cənubədə bıə Buşehri ostanidori siyosi və əmniyəti muavin Buşehri atom stansiya osmonədə silohinə ğıvvon hərbi təlimi dəvoniyeyku xəbəş do.

Bə İRİB raporti əsos, Muhəmməd Təği İrani de tojədən votışe: İroni silohinə ğıvvon hozzıəti komil kardey çərçivədə zinə Buşehri atom stansiya osmonədə silohinə ğıvvon hərbi təlimi de mudafiyə əkə sistemon imtivon kardey vositə əncom be.

İrani əlovəş karde: ın hərbi manevr de silohinə ğıvvon miyono komilə həmkarəti vositə əncom bıə.

İroni cənubədə bıə Buşehri ostanidori siyosi və əmniyəti muavin ijən votışe: ın manevri dəvoniyeku bənav mediyaon tərəfo məlumaton elan bıə be.

Muhəmməd Təği İrani təkidış karde ki hərbi manevr çı Buşehr iyən Fars dıyo osmonədə əncom bıə.