Pəyğombər Əzəm-17 hərbi təlim.

İroni cənubədə Pəyğombər Əzəm-17 hərbi təlimi zəmini mərhələ de İroni Sepah təşkiloti hevujə əməli vostiə sə kardə bəy.

Bə İrna raporti əsos, həminə mərhələdə ki zinə şəviku bino bıə çəndə hərbi zəmini ğıvvon, zerehinə maşinon, artileria, dronon və hicuməkə vertəliyoton iştirokışon be.

Bə şəvədə diyə kardə təchizoton mıcəhhəz bıə dastəon mıvəffəğ bıən ki vey çok hərbi manevri hədəfon bə vırə bırosnon və koon takitiki koon əncom bıdən.

Sepah təşkiloti vertəliyoton həm ın mərhələdə vey çok bə təin bıə hədəfon həmlə və bə çokə nəticə dast peydo kardışone.

Peyğombər Əzəm-17 nomo hərbi manvr 2 şambə rujiku Fars dıyo, Hurmuz tanqə və İroni cənubədə bıə Hurmuzqan, Buşehr və Xuzestani sahilonədə de İroni Sepah Təşkiloti zəmini, dıyo və avyasiya ğıvvon iştiroki bino be.