Mosulı ğərb hissədə İŞİD terroristiyə qrup ociz mande.
İraği həşte-şəıbi ğıvvon bə Mosul şəhri ğərbiyə məntəğon İŞİD terroristiyə qrupi nufuz karde əməliyatışon de məğlubiyyət dim bə dimışon karde.
Bə Mehr aqenti ımrujnə xəbon əsosi Həşde-Şəıbi nomo iraği milləti tərəfiku təşkil bə ğıvvon qıləy əməliyatdə İŞİD terroristiyə qrupi fəaliyyətonış Mosulı ğərbiyə baxşədə bə 3 qılə məntəğə nufuz kardeyu de məğlubiyyət dim bə dimış karde.
Həşde-Şəıbi ğıvvon əməliyatdə çandə da qılə İŞİD terroristiyə qrupi uzvonku bə həlokət rəsedən. coqlə xəbə ım ki irağıjə ğıvvon muvəfəğ bedən Neynəva ostani Səncar şəhrədə İŞİD terroristiyə qrupi sərkərdə Əbu Huzəyfə bə həlokət bırosnon.
irağıjə ğıvvon bı rujonədə Mosulı şərğiyə baxşışon kamilə holətədə İŞİD terroristiyə qrupi dastiku ozodışon kardə və ısət Mosulı ğərbiyə baxşi ozod kardeyu bə hərəkətin.
ım vəziyyətdə suriyədə bə terroristiyə qrupon Ədleb şəhrədə Fuə iyən Kəfəriya şiə ənıştə mikroşəhron ətrofədə bə məntəğəon hədəf qətedən.
bə oxonə xəbon əsosi ım qulləbaran Bənəş iyən Əlsəvağiyyə nomo bə məntəğonku ki 2 qılə şiə ənıştə mikroşəhri neziədəy terroristiyə qrupon tərəfiku əncum bəy.
Fuə iyən Kəfəriya 3 sor çimiku bə nav terroristiyə ğıvvon muhasirədəy və həmmişə çı qrupi hucumonədə və bə və bəy.
iraği şimal Neynəva ostani mərkəz Mosul şəhri İŞİD terroristiyə qrupi dastiku ozod karde əməliyat 2016 minnə sori oktiyabri 17 minnə ruji iraği 1 minnə vəzir Heydər Əlibadi əmrədə təşkil bə.
