İronıjə tenisəkə muvəffəğiyət.

İronıjə tenisçi xanım Meşkatu-Zəhra Səfi çı dınyo Tenis fedrasiya oxonə reytinqədə tojə torixi rekordi səbtış karde və 73 minnə vırədə ğəror qətışe.

Bə İRİB raporti əsos, İronıjə tenisçi xanım Meşkatu-Zəhra Səfi ki Qerənd Sləm nomo rəğabəton 2 minnə mərhələro hozzı beyro Beraziliyaədə beynəlxalğ rəğabətonədə ıştirok kardəş be çı dınyo Tenis fedrasiya oxonə elan bıə reytinqədə tojə torixi rekordi səbtış karde və 73 minnə vırədə ğəror qətışe.

Meşkatu-Zəhra Səfi çimi bənav Avesteraliya Qrand Sləm rəğabətonədə de tojə rekordon vositə dınyo xanımə tenisoron siyahiədə 74 minnə vırə kəs kardəş be ki ısət de tojə muvəffəğiyəton kəsb karde bə 73 minnə rutbə ovaşte.

Qerənd Sləm nomo rəğabəton 2 minnə mərhələro omə sori Xordad Fransədə bərpo bəbe və xanım Meşkatu-Zəhra Səfi karde bəzne bəştə muvəffəğiyəton dəvom doe vositə mısobiğə vey erjinə mukafaton kəsb ko.