Ukrayna bə Amerkə ziddinə siyosəton nımoyeşqo əvəz bıə.

Tehroni zinə ruji cımə İmom votışe: Ukrayna behroni peştədə Amerkə macəra əsoxtə rəftoron muşahidə bıdə.

Bə İRNA raporti əsos, huccətul islom vəl muslemin Muhəmməd Cəvad Əliəkbəri çı Tehroni ın haftə cımə nımuji xutbəonədə əlovəş karde: əmə de dərostə bıə cohiliyəti dim bə dim hestimon və şək ni ki Amerkə mafiyayi rejim həminə nodonəti simvole və əmə ısət bənə Amerkə bıə qıləy behron icodəkə və behronədə jimon kardə rejimi vindeydəmon.

Tehroni zinə ruji cımə İmom bə Ukraayna vəziyəti işorəş karde və votışe: Ukrayna behroni peştədə Amerkə macəra əsoxtə rəftoron muşahidə bıdə ki çəy əsliyə illət həm Amerkə mafiya rejim və çəy mıttəfiğonin.

huccətul islom vəl muslemin Muhəmməd Cəvad Əliəkbəri əlovəş do: İron jəğo ki elanış karde de canq muvafiğ ni və bə kişvəron ərazi təmamiyyəti ehteron nodə iyən beqınohə odəmon kışte və kişvəron infrastruktoron xərobə kardış məhkum kardə.

Tehroni zinə ruji cımə nımuji xətib Ukraynaədə bıə hodisəon rişəş çı ğərbi hakemiyəti və Amerkə 2 curnə standardon zınəş be ki Ukraynaədə bənə nımoyeşqo vindey bıdə.

Ukrayna iyən Avropa şərğ məntəğə kişvəron daxıli məsələon iyən əmniyəti koonədə Amerkə və Nato mıdoxiləon ki veyni de anti Rusiyə hərəkəton dəvom kardedə be oxoy sə Rusiyə prezident Putini tərəfo bə Ukrayna həmlə karde əmri  sadir kardey bois bıə.

Rusiyə elanış karde ki ın əməliyot canqi bino bey məno ni boçi ki Rusiyə pidəşe dınyoədə yolə mıhoribəon vəy bıqəti.