Pakistanı şiəyon məçiti terroristiyə tıpımoni vədə Ğətər və İraği reaksiya.

Mar 06, 2022 11:47 Asia/Tehran

Ğətər və İraği məmləkəton Pakistanı Pişavər şəhrədə bə şiəyon məçiti terroristiyə tıpımon reaksiyaşon nışon doə.

Bə İRNA xəbon əsosi Ğətərı xarici koon vəzorətxonə zinə qıləy bəyonotədə Pakistanı Pişavərı şiəyon məçiti tıpımonış ki bə çandə 10 nəfəri kışte və yarəjə be bois bə məhkumış karde və əçəy dəlilunku kəno xışmqinəti və terroristiyə hərəkətış rəd karde.

Ğətərı Kral Şeyx Təmim Bin Həməd Ale Sani Pakistanı prezdent Arif Ələvi iyən ım məmləkəti 1 minnə vəziriyu mesajış vığande və Pakistanı Pişavərədə şiəyon məçiti tıpımonış ki bə çandə 10 nəfəri kışte və yarəjə be bois bə məhkumış karde.

İraği xarici koon vəzir həm qıləy bəyonotədə bə Pakistanı Pişavər məçiti zid terroristiyə hucumış məhkum karde və terroristi və təkfiriyə qrupon fəaliyyətonku ki Pakistanı əmniyyət və oroməti darışteyu cəhd kardən, çəvon vədə mandeyu de ım məmləkəti devlət ıştə vəhdətış elan karde.