Qeneral Səlami ijən bə sionist rejimi notaş do.

İroni Sepah təşkiloti fərmondə sionist rejimi şərrə koon barədə bə ın rejimi rəsmi şəxson notaş do.

Bə İRİB raporti əsos, Qeneral Husey Səlami tojədən Xuzestanədə bıə Sepah təşkilati rəsmi şəxson iclosədə bə məntəğədə bıə sionist rejimi xəbisə hərəkəton reaksiya nışoş do və votışe: anti İron şərrə koonku dast peqətən boçi ki de sepah təşkiloti sənibəton ciddi və zumandə reaksiya dim bə dim bəben.

İroni Sepah təşkilati fərmonə əlovəş karde: sioniston çı İroni sepah təşkiloti rəket həmlə təcrubə kardəşone, çən bəvon nota bədamon ki anti İron şərrə hərəkətonku bə kəno bımandon boçi ki əqə jığo nıkon çəvon vədə oj bıə qədə roy ki bə dınyo tərəf oje bəbastemon.

Dəvardə haftə 1 şambə şəv saat 1, İraği Ərbilədə bıə sionist rejimi reqiyonal xəbisə planon iyən məxsus əməliyaton kəşə mərkəz de İroni Sepah təşkilati zumand və dəğiğə rəketon vositə vırt-vılo bıə.