Ğəzaxistoni Həzrət Sultan məçidədə Nəvuzə idi mərosimon.

Ğəzaxistoni paytəxtədə bıə Həzrət Sultan nomo məçidədə Nəvuzə idi mərosimon de muxtəlif mədəni və varzışi mərosimon bə ico bərpo bıə.

Bə İrib raporti əsos, həminə mərosimədə çı Ğəzaxistoni yolı mufti Nuruzbay Kaji Taqanoli iyən Nur Sultan şəhri mer Beyrik Jakanof və çandə çın kişvəri dini və ictimaii şəxsiyəton iştirokışon be.

Həminə mərosimədə və çı Ğəzaxistoni jenon təşkiloti tərəfo Nuəvuzə idi surfəon dəğandə bin ki çəvonədə muxtəlif xorəkon və məhəlli şinion be.

İjən Nəvuzə idi ğolibədə nom noe və korpəon ğuşədə əzon-iğomə vote, və bo hırdənon səlomətəti dıvo votey mərosim həm çı Ğəzaxistoni yolə mufti tərəfo əncom be.

Məhəlliyə musiği, muxtəlif hənək və varzışi mısobiğəon həm dəvoniyə bəy ki bə vıjniyə bıə kəson mukafat və idə baxşə doe ğolibədə sə be.

Nəvuzə id çı İroni ğədimi və rişədorə idonku bə hisob omeydə ki har sor de şəmsi sori dəme həmzəman İron və co kişvəronədə bino bıdə.