Tehroni cımə nımoji xətib: İroni muzakirəkəyon bə deşməni boc nibədon.
Tehroni cımə nımoji xətib votışe: Amerkə zalımonə sanksiyaon peqəteyro, İroni muzakirəkəyon bənə millət, əmin, ciqəmand və meydoni mırdin və hiç vaxt bə deşmən boc nibədon.
Tehroni cımə nımoji xətib Ayətullah Sed Əhməd Xatəmi bə sanksiyaon peqətey muzakirəon və atomiyə sazışi bəji kardey mıvzo işorə iyən əlovəş karde: İron İslam Respublika de muzakirəon hiç məsələş ni əmmo Amerkə və çəy mıttəfiğon de İron İslam Respublika nizom, atomi cəhəto problemışon ni bəlkəm əvon İroni i bemoni və məntəğədə elmi cəhəto vey yolə zumandəti və ğudrəti muxalifin.
Tehroni cımə nımoji xətib bəyonış karde: de ım vıcud ki bəpe deşməni mığobilədə zumand bəbemon iyən muğavimət kəmon, əlovəş karde: İroni millət vey onıqıniyə millətin və vey mıhkəm iyən ğoym bəştə inğilobi pobəndin.
Ayətullah Xatəmi həmçınin İronədə bıə dıvləti haftə bino bey işorəş karde iyən votışe: 13 minnə dıvlət de milləti bə icoe və bəştə vəədəon əməl kardey, ım dıvləti vey muhimmə funqsiyaonku bə hisob omeydə.
Miladi 1981 minnə sorədə, i minnə vəziri təşkilati terroristiyə tepemonədə, həmonə zəmoni İroni iminnə vəzir Muhəmməd Cəvad Bahonər və İroni prezident Muhəmməd Əli Rəcai, de mınofiğon terroristiyə qrupon uzvon vositə, şəhid bıən.
Har sor və Avqustə manqi 23 tosə 29 (Şəhrivərə manqi iminnə haftə) bə həminə şəhidon yodi yol qətey xoto, bənə Dıvləti ruj nom noə bıə.
