Azərbaycan Respublika, Tırkəməniston iyən tırkiyə yolon mıştərəkə bəyoniyə.
Azərbaycan Respublika, Tırkəməniston iyən tırkiyə 3tərəfiyə vindemoni bəpeşt, bə ğtsodi və əmniyyəti həmkoətion əlovə bey zərrurət təkidışon kardə.
Zinə Tırkəmənistoni Tırkəmənbaşi şəhrədə, Tırkəmənistoni prezident, qeneral Berdi Məmedov, Tırkiyə prezident Rəcəb Təyyeb Ərdoğan iyən Azərbaycan Respublika prezident İlham Əliyev de yande vindemonışon kardə.
Bə cımə ruji Mid İst Niyuz məlumatərosnə mərkəzi raporti əsos, ım iclosi oxonə bəyoniyədə 3 qılə kişvəri yolon mənafe iyən mıtəğabilə ehtırom iyən huğuğon bərobərəti çərçivədə bə rabitəon hevujəti əhəmiyyəti təkidışon kardə.
Azərbaycan Respublika, Tırkəməniston iyən tırkiyə yolon dınyo iyən məntəğə səthədə əmniyyət iyən stabiləti və sulhiku oqəteyro bə əmniyyəti mıştərəkə cəhdon əhəmiyyəti təkidışon kardə.
Im bəyoniyədə bə Kipri məsələonro bə həğiğiyə hələkə roon dast peydo kardey təkid iyən dınyoədə İslomfobiya və rasizmi əlovə beyku ıştə niqəroni elanışon kardə.
De terrorizm, separatizm mubarizə bardey və de həmohənq bıə cinoyəton, nakotin məteriyalon, siloh, insoni ğaçağ kardey iyən ğeyri ğanuni mıhocirəton mubarizə bardeyədə həmkoətion əlovə kardey təkidd bey,ım bəyoniyə co qılə maddonku be.
3 qılə kişvəri yolon, 3tərəfiyə investisiya hoston kardey və ticori mıbodiləon hevujəti və iğtisodi mıştərəkə planon icro bey xususi enerji və nəğliyot baxşonədə vey muhimm zıneydə.
