İroni parlamenti nımoyəndə: Briksədə İroni uzv bey, iğtisodi zumandəti nışonəy

İroni İslomiyə şura parlamenti nımoyəndə votışe: Briks qrupədə İRoni uzv bey, ixracat baxşədə tojə zərfiyət və iğtisodi zumandəti nışonəy.

Briks, dınyoədə Çin, Rusiyə, Hınduston, Braziliya və Cənubi Afrika tojə iğtisodon şomile və çəy icod bey idea bə Milodi 2000 minnə sor obəqarde.

Im iclosədə, Asiya ğərb məntəğə kişvəronku fəğət İroniku dəvət bıə.

Həminə cəhətədə və bə Fars aqentiyəti raporti əsos, İslomiyə Şura parlamenti nımoyəndə, Seyd Muhəmməd Rıza Mirtacuddini, bə Briks qrupi İron İslom Respublika dəçikney əhəmiyyəti barədə votışe: həminə beynəlxalğə məcmuədə tojə iğtisodi ğudrəton iştirokışone və həminə cəhətədə Tehroni uzv bey, karde bəzne İroniro tojə iğtisodi və ixracati zərfiyəton icod bıko.

İroni İslomiyə Şura parlamentədə, Təbriz, Azərşəhr və Osko milləti nımoyəndə, ijən ım beynəlxalğə qrupədə bə Çin və Rusiyə uzv bey həm işorəş kardə iyən votışe:  dəvardə çand sori mıddətədə, Amerkə iğtisodi cəhəto ıştən dınyoədə vey çok zıneydə be və bə həminə əsos, bə dınyoədə hisob-kitobon dollari hukumət kardey şoydimon əmmo ısət de tojə iğtisodi ğudrəton əcumlə Çinədə  lm hisob-kitobon əvəz bey şoydimon.