Qeneral Səlomi: ultrasədo Kruz rəketon bə inkişof bərəse

İslomiyə İnğilobi Sepah Təşkiloti komandir təkidış kardə: ultrasədo Kruz rəketon bə inkişof bərəse

Pavə nomo bıə rəket, İroni bə zəmini əsos bıə kruzi vey tojə rəjete ki de 1650 kilometri məsofə de İslomiyə İnğilobi Sepah Təşkiloti ayrokosmik təşkilot istehsol və nışo doə bıə.

Həğiğətən, İroni mudafiə doktorin, bə mudafiə bə inkişşof rosniye prinsipi əsose, və həğiğiyə mudafiə icod beyro, etıborinə silohon və hərbi zumandətion iyən zumand və təchizə silohinə ğıvvon soyb bey vey muhimmə rolış heste.

İslomiyə İnğilobi Sepah təşkiloti komandir Qeneral Huseyn Səlomi bəyonış kardə ki ultrasədo Kruz rəketon bə inkişof bərəse, əv ijən votışe: Kruz rəketon boçi ki zəmini səthədə hərəkət kardedən bənə qıləy pərrə, subitə balışon heste və veyə rə soyb nin əmmo supersonik və ultrasədo  curədə bə inkişof rəsey holədən.

Bə İrna raporti əsos, zinə Şənbə cihodəkəyon milli festivali oxonə mərosimədə ki Amerkə nakonə cəsusi lonədə bərpo bıə, Qeneral Səlomi İroni milləti vədə bə Amerkə çand kərə məğlubiyətion işorəş karde iyən votışe: boçi ki gərbi canqi meydonədə Amerkəvıjon məğlub bıən, bə İroni ələyh ıştə həmmə strateqiyə mənbəon iyən silohon bə ko qətəşone.

Sepah Təşkiloti komandir ijən əlovəş karde: ımruj Meditəranə və Sıə dıyo kənoədə hestimon və dışmoni məhv kardedəmon.

Qeneral Səlomi ijən votışe: deşmon məcbur bıə ki de İroni muğabilə kardeyro təğribən 7 həzo milyard xərc bıko, ijən votışe: dışmon məntıği ğudrəti dəresedə ni, və ğərəz de ğudrəti zıvon nibəbe de mıstəkbiron sıhbət bıkəmon.

Səlomi ijən təsdiğış karde: ımruj vey əmnə kəştion, İron İslom Respublika boydəği jintonədə hərəkət kardedə.