İroni Prezdenti beynəlxalğə huğuği koon mərkəzi yol: Amerkə bəpe,2 sori mıddəti bə İroni varid kardə zərəl-ziyonon əvəzi bıdo

İroni Prezdenti beynəlxalğə huğuği koon mərkəzi yol votışe: məhkəmə beynəlxalğə təşkilot təyn kardə ki Amerkə devlət bəpe 2 sori mıddətədə kali molon musadirə kardey cərəyonədə, bə İron varid kardə zərəl-ziyonon əvəzi bıdo.

İroni Prezdenti beynəlxalğə huğuği koon mərkəzi yol, Təvəkkul Həbibzodə de İrna votımonədə Lahə məhkəmə beynəlxalğə Təşkiloti sədo barədə əlovəş kardə: bə məhkəmə beynəlxalğə təşkiloti sədo əsos, de Amerkə məhkəməon vositə, kali İronıjə şirkəton və bankon molon musadirə kardey, bə 1955 məvəddət muğavilə əsos, de Vaşinqtoni təəhudaton əkse.

Həbibzodə ijən əlovəş kardə: 2 tərəf ım həxi soybin ki zərəl-ziyonon təğdim kardeyro de yande muzakirə bıkon, və əqə bə nəticə nırəsən təçkilot həmçınan ım dosiyə təğib bıko.

roni Prezdenti beynəlxalğə huğuği koon mərkəzi yol ijən təsdiğış karde: Amerkə devlət iddioş be ki Amerkə məhkəməon hərəkət, bə Məvəddəti muğavilə əsos, de ım kişvəri təəhudon əcumlə bə İroni şirkəton mıstəğilə huğuği şəxsiyəti ehtırom noey əks ni əmmo məhkəm beynəlxalğə təşkilot Amerkə ım dəlili ğəbulış nıkardə.

İşorə bəbe ki Martə manqi 30 minnə ruj Pencşəmbə ruj məhkəmə beynəlxalğə təşkilot, İroni kali molon musadirə kardey dosiyədə bə Amerkə devləti ələyh sədo sadirış kardə, ım təşkilot  de Amerkə məhkəməon vositə İroni şirkəton və bankon  və İroni devləti molon musadirə  kardey, 1955 minnə sori məvəddəti muğavilə əks zınəş və təyin kardəş ki bəpe Amerkə dıvlət İroni molon musadirə kardey zərəl-ziyonon əvəz bıko.