Ruhani: muxtəlifə sahəonədə ımrujnə ruji canqon iradəon miyono canqe.

İroni prezident bə imon silohi ğudrət işorə karde kənoədə ijən mığovimət və milləti i bemoni bəpe zıne votışe: muxtəlifə sahəonədə ımrujnə ruji canq iradəon miyono canq karde heste.

İroni prezident Həsən Ruhani zinə Məşhədədə şəhid ruji mınosibəti xoto ijən islam dınyo şəhidon iclosədə əlovəş kardə: 8 sornə mığəddəsə mudafiə cərəyonədə İronıjə cıvonon deştə iradəon vasitə səbarz bıən jəqo ki iradəon canqədə Livani Hizbollah ğıvvon siyonist rejimi məğlubışon kardə.

Ruhani təkidış kardə: Hizbollah muminə cıvonon be ım ki hərbi təchizatşon bıbu 33 rujiyə canqədə siyonizm zalim, işğal əkə, vəhşi və hırdən əkıştə rejimi vədə mığovimətışon kardə ta çın rejimi zahiriyə ğudrət arşiyə bıbu ım həmonə iradəon səbarzəti heste ki İrağədə həm millət jəqo terroriston vədə səbarz bıə.

Əv votışe: İrağədə terroriston çı İraği milləti iradəon vədə məğlub bıən ijən İraği həmmə vırəon vey rə terroristonku pok bəbe.

İroni prezident bə məntəğə bəzi kişvəron anə siloh heryə işorəş kardə və votışe: hərbi siloh və təchizaton heryə bə səbarzəti rəse amil ni boçi ki Yəməni vey fəğırə cəmaət dəştə zumandə iradə və imoni jıqo təcavozkaron vədə səbarz bıən.

Ruhani təsdiğış kardə: Amerkə və siyonizm rejimi ijən bəvəon vasitə bıə mozdoron vədə İroni səbarzəti fəğət de silohon vasitə bə dast omə ni bəlkəm silohiku bəpe imon, iradə, i bemon və milləti mığovimət karde çəy amil be.

Əv bə İroni milləti mığovimət karde dəvardə 38 sori mıddətədə muxtəlifə fişaron vədə işorəş kardə və təkidış kardə: İron İslam Respublika vey çətinə vəziyətdə iğtisodi ozavziye və inkişofi ziyodış karde, infilasiya kam bıə ijən ıştə milli puli erji həm rostış kardə.

Ğeyd bıkəmon ki Məşhəddə şəhidon iclosədə İrağ, Livan, Suriyə, Pakiston, Tones və Bosniya və Herseqoviniyaku 30 qılə ğonğonku bə kəno, İroni şəhidon ailəonku 300 ijən çı Məşhədi şəhidon ailəonku 400 nəfər huzurışon bıə.