Zərif: tarixədə İroni millət 3 kərə Yəhudiyon nicotış doə.

İroni xarıci vəzir siyonist rejimi i minə vəziri tojə be məxə sıxanon ijən tarixi cəhətiku İroni mıttəhəm karde iddiyaon barədə bə ım rejimi sərkərdə cəvobış doə.

İroni xarıci vəzir Muhəmməd Cəvad Zərif zinə ıştə Tovitter səhifədə və Benyamin Netanyahu tojə iddiyaon reəksiyaədə votışe: Netanyahu ıştə rasizm iddiyaon və duə sıxanon sabit karde xoto qıləy milləti tarixi barədə ki tarixədə 3 kərə Yəhudiyon nicotış doə jıqo tarixi təhrif kardedə və hətto bə Tovrat kitobi təhrif karde həm pənohış bardə.

Ağaye Zərif ijən əlovəş kardə: duəvujəti ijən be əsosə iddiyaon bəyon karde çı Netanyahu adəte.

Benyamin Netanyahu bə çəy xoto ki İroni kişvərış çı Yəhudiyon deşmən elan bıkə Rusiyədə iddiyaş kardə ki İron 2500 sor heste ki Yəhudiyon məhv karde roədə cəhd kardedə.

Əv jıqo votış bıə ki İron çı Yəhudiyon məhv karde məydonədə həmmə cəhdon bə kəno detosə bə ısət məğlub bıə.

Və holım ki bə tarixi hadisəon əsos İron i kərə Haman planiku və 2 kərə Babıl zəmoniku yəhudiyon nicotış doə ijən Avropadə 2 minə yolə məharibə cərəyonədə və qıləy vəziyətdə ki əyo Yəhudiyon ğətleam bey holədə bıən iyən be pənoh mandə bən bəvon pənohış doə.