Sepah ayrokasmik ğıvvə "Hipersonik" rəketi nışo doeyku xəbəş do

Imruj seşəmbə, İslomi İnğilobi Sepah Təşkiloti ayrokasmik ğıvvə "Hipersonik" rəketi nıışo doeyku xəbəş do.

Bə İran Peres raporti əsos, Sepah Təşkiloti ayrokasmik ğıvvə ğərorqohədə, de İron İslom Respublika prezdent Seyd İbreym Rəyisi, Sepah Təşkiloti həmmə ğıvvə komandir Qeneral Səlomi və Sepah Təşkiloti ayrokasmik ğıvvə komandir Qeneral Əmirəli Hocizodə iştiroki, Fəttah nomo İslomi İnğilobi Sepah təşkiloti ayrokasmik ğıvvə nuyə "Hipersonik" rəket nışo doşe.

"Hipersonik" rəketon nuyə silohon və əbzaronin ki ımrujnə rujədə de kişvəroni bənə Amerkə, Rusiyə və Çin istehsol və istifodə bəben.

"Hipersonik" rəketon  rə, hərəkət kardey zəmonədə, 5 tosə 25 bərobər sədo elan bıə ki 1.6 tosə 8 kilometr bə saniyəy. bəpe vote bəbe ki "Hipersonik" rəketon rə minimum 3 həzo 500 mayl bə saəte yəni təğribən 1 mayl bə saniyə.

Im rəketon həmonə hədəfon məhv kardeyro istifodə bəben ki dırozə məsofədə ğəror qətən və ya həmonə hədəfon ki bəpe vey rə məhv bıbun. stratejik ğırəkə təyyorəon bənə B-52 və diyəroədə rəketi mudafiə sistemon həm həminə hədəfonku şomilin.