Əmir Əbdullahiyani bə Cənubi Afrika bıə səfə bə oxo rəsə

Əmir Əbdullahiyani bə Cənubi Afrika bıə səfə bə oxo rəsə

Əmir Əbdullahiyani bə Cənubi Afrika bıə səfə bə oxo rəsə və xarici koon vəzir bə Tehron oqardə.

İron iyən Cənubi Afrika Respublikə miyono həmkoəti sahədə mıştərəkə komissiyə 15-ə iclosədə iştirok kardeyro bə Pretoriyə səfə kardə İroni xarici koon vəzir Huseyn Əmir Əbdullahiyan cımə ruji maştəvoni bə Tehroni şəhəri oqardə.

Bə Fars xəbə agentəti doə məlumoti əsos,Huseyn Əmir Əbdullahiyan İron və Cənubi Afrika Respublikə miyono həmkoəti sahədə mıştərəkə komissiyədə iştirok kardə holədə deştə həmko və de çın kişfəri prezdenti vindemon və votemonış kardə.

Pretoriyada bərpo bıə mıştərəkə komissiyə 15-ə iclosədə dıtərəfinə ixtisodi, ticorət və investisiya,siyosi,sosiyal və mədəni komitəon 26 qılə sənədışon çı nəzəku dəvordıniyə ki,ım de qıləy dıjdə ehtimoli çı İroni prezdenti Seyd İbreym Rəyisi bə Cənubi Afrikə çəşkardənin bıə səfə zamonədə imzo kardey bəbe.

Əmir Əbdullahiyan həm çı İroni Cənubi Afrikədə bıə sakinon qırdbemonədə iştirokış kardə və deçəvon problemlemon əloğədor bəy məlumot doey bıə