İroni prezdenti bə Keniya səbarzə səfə.

Çı Keniya Tehronədə bıə səfiri votəşe:çı İroni prezdenti bə Keniya səfə nəticəon icroyi bıey və bə jimon dəvordıney de səbrəti çəş kardedəmon.

“Coşua Qatimo Aquta” bə İroni Ərak şəhrədə bıə istehsol və ixrac imkonon səfə çərçivədə çı İron İslom Respublikə prezdent Seyd İbreyim Rəyisi bə Keniya oxonə səfə əhəmiyyəti barədə bə İranpressi muxbiri mısohibədə votəşe: “Xoşbəxtonə,çı İroni Prezdenti bə Keniya səfə ovandin dəvarde və əmə umu kardedəmon ki,ın səfə vey çokə nəticəon bədoe.

Bə Keniya Afrikədə bəştəməxsus təbiyət və mınosibə iqlimış bıə məmləkətonku qıləyni bıey işorə kardə ım keniyavıjə diplomati əlovəş kardə:az bənə Keniya İronədə bıə səfiri çı dıqlə kişfəri miyono bastə bıə roziyəti iyən meorandumon təğib kardero hozzım.

Coşua Qatimo Aquta həmçinin votəşe:rəyrə Keniyaku bıə nımoyəndəon de İroni rəsmiyon mızokirə bardero və çı dıqlə məmləkəti miyono hoisl bıə və bə dast omə roziyətiyon icro təğib kardero bə İron səfə bəkardeyn.

Keniya Tehronəda bıə səfir Coşua Qatimo Aquta işambə ruji şəvi saatonədə bə Mərkəzi Əyoləti poytaxt bıə Ərak şəhri səfə kardə holədə, “Kombayin soxtə ” şirkəti, “Behrudətrək” damoni şirkəti və “Avanganplast” şirkəton ziyorət kardə holədə,deçəvon istehsol və ixraci imkonon oşno bıə.