Yohannesburq; İroni bə BRİKS-I omuj qıniye əzm.
İron İslom Respublikə prezdenti "Seyd İbreym Rəyisi" çoşənbə ruji çı BRİKS-i sammitədə iştirok kardero bə Cənubi Afrikə bəro dəqıniyey bənav voteşe:de BRİKS-I ixtisodi həmkoəti kardey məğsədi mıstəğilə məmləkəton bə ivrə vardeyış zınə və votəşe ki,çəmə məğsəd de unilateralizmi mıborizə və de ın qrupi həmkoətiye.
Bın səfədə de Seyd İbreyim Rəiysi bə ico xarici koon vəzir Huseyn Əmir Əbdullahiyan və İron İslom Respublikə prezdent aparati siyosi muavin Məhəmməd Cəmşidi həm heste İron İslom Respublikə prezdenti bın səfər zamonədə çı 70 kişfəri lideron dəvət bıə 15-ə BRİKS sammitədə iştirok və ehandımon kardeysə əlovə,bın iclosədə iştirokəkə de bəzi məmləkəton lideron vindemon iyən sehbət bəkarde.
Yohannesburq vindemonədə uzvəti tələb kardə məmləkəton bə BRİKS qrupuni ğəbul bıey meyaron,proses və zəmoni əloğədor roziyəti bədast vardey nəzədə qətey bıə.
BRİCS Braziliya, Rusiya,Hindistan,Çin və Cənubi Afrikə de ingilisi zıvoni nomon sə hərfon dəçokney bə formə dəşə və inkişof kardə holədə ixtisodi ğudrəton rəhbərəti kardə qrupi nome.
BRİKS-i uzvon ixtisodi və sənaye inkişofı proses nışon doydə ki, vəomə veyəqutbinə dınyoədə rol ifo karde və mevcud idorəçəti nizomi meydan handero çın qrupi bənə tojə icod bıə təşkiloti bə formə dəşey hərəkoti əsos bıə qıləy beynəlxalğə sisteme; çın qrupi əsosə nəzə qlobal valyuta və bank sistemi təkmil kardey,de-dollarizasiya və diğəti bə milli valyutəon əsos istiğomətədə ciddiyə əzmkorəti,antidominant siyosi nəzəon əsos ixtisod və bə Ğərbi hukmronəti kardə beynəlxalğə təşkiloton və strukturon zidd beşeye.
Isət 22 qılə kişfər bə BRİKS-i uzv bıeyro rəsmi ovardışon kardə və ijən daha 22 qılə məmləkət bə ın alyansi umj qıniyero interseışon heste.
BRICS-i qrup holı-hozıyədə bə umumi milli məhsuli çoədə I hissə və bə dınyo sərzəminon təxminən sedə I hissə soybe.çın qrupi iminə kapital 100 milyard dollar bıə BRİKS-i banki icod kardeyədə çı dınyo pul-moliyyə sistemədə effektiv qutb ofəyey və çı dollari qlobal ixtisodiyyotədə bə vohid valyutə peqardey vəy qəteyşon piyedə.
Həmçinin, bumi valyutəon və de uzv bıə məmləkəton ticorət həm çı BRICS-i rujnomədəy.ın amilon bənə İroni inkişof kardə holədə bıə kişfəron bə diyaloq və həmkoəti əsosə bıə onemonədə qlobal ticorətədə ziyodə baxş bə dast vardero bə BRICS-I uzvətiro murociət kardəşone.İron bə BRİKS-i uzvətiro ovard kardə iminə məmləkətonku qıləyniye.
Umumi daxili məhsul, əhali, ərazi, təbii sərvət ehtiyoton,çəy region və dınyoədə siyosi və təmniyyəti rol,de uzv bıə kişfəron əloğəon zumand kardey amilon,bə BRİKS-nuyə uzv ğəbul kardeyro meyar və kriteriyəonin;Təbii ki qırd BRİKS-I uzvon İroni bə ın alyansi uzvəti dastək doəşone və xususən Çin və Rusiya çı nuyə məmləkəton uzvəti zəruri bıey ğeyd kardə holədə,İroni bın ixtisodi qrupədə iştirok kardey potensiali malikblıə kişfəronku qıləyni hisob kardəşone.
Bın nezonədə bə Şanxay HəmkoətiTəşkiloti uzv bıə bo İron İslom Respublikə bə BRİKS-I umuj qıniye de regional təşkiloton siyosi və kommersiya rabitəon zumand kardeyro qıləy tədbir bə hisob beydə.