Bə İron və Omani konsuli votımonon təkid

İron və Omani konsuli mıştərəkə iminnə iclosədə 2 qılə kişvər bə konsuli votımonon dəvomi təkid kardışone.

Bə Fars aqentiyəti raporti əsos,Tehronədə iyən zinə rujədə İron İslom Respublika və Omani konsuli mıştərəkə iminnə iclos bə İron İslom Respublika xarıci vəziri vəzorətxonə konsuli mudir iyən Omani vəzorətxonə konsuli mudir və siyosi mudir bərpo bıə.

Im iclosədə 2 tərəf bə 2 qılə kişvəri miyono rabitəon hevujətiku bə konsuli votımonon dəvomi təkid bey bəpeşt, Omandəə İroni zindonion ozod bey, Omanədə İronıjə  şahrvand problemon təğib kardey iyən İronədə Omani kali şahrvand problemon həl kardey barədə votımon iyən muzakirə kardışone.

Həmçınin 2 qılə kişvəri miyono məhkumon ovoştoniyə sazışon imzo bey, şahrvand şe-omey hoston kardey iyən konsuli himoyəon mevzuon barədə sıhbət bıə və 2tərəf sakin bey, ko iyən de mısofiron vəluta xərcon bə ico bey  prinsipon barədə təkid kardışone.

Im iclosi oxoədə kunsoli muzakirəon sazışon imzo bıə.