De BRİKS qrupədə uzv bey İroni həmkoətion hevujəti

İron İslom Respublika xarıci vəzir diplomatiya muavin təkidış kardə: BRİK-ədə de İroni uzv bey İroni iğtisodi həmkoətion hevuj peydo bəkay.

Cənubi Afrika Yohannesburqədə BRİKS yolon 15 minnə iclosi bərpo bey cərəyonədə iğtisodi blukaədə de İroni rəsmiyə uzv bey muvafiğət bıə.

Əlovə bə İron İslom Respublika, Ərəbiston, İ Bıə Ərəb Əmirəti, Arqentina, Misr iyən Etyubi həm BRİKS-ədə uzv bəben.

İroni xarıci koon vəziri iğtisodi diplomatiya muavin Məhdi Səfəri de Tele-Rədio iğtisodi Rədio votımonədə BRİKSədə İRoni uzv bey təsiri barədə votışe: BRİKS-ədə de İRoni uzv bey iğtisodi koonədə yolə oj bemoni icod bəbə iyən İroni iğtisodi həmkoətion hevuj bəbe.

Xarıci koon vəziri iğtisodi diplomatiya muavin əlovəş kardə: vey rə BRİKS bə qıləy beynəlxalğə ictima əvəz bəbe boçi ki 23 qılə kişvər həm pidəşon ım qrupədə uzv bıbun.

Səfəri ijən votışe: BRİKS-ədə İroni uzv bey tələbi ğəbul bey qıləy vey yolə hodisə be və karde bəzne unilateralizmi məhv bıko.