Rəyisi:İroni saxtə rujonədə çe İraği dust bıeyış subut karde.

Rəyisi:İroni saxtə rujonədə çe İraği dust bıeyış subut karde.İ

İron İslom Respublikə prezdenti votəşe: İron de DAİŞ terroristə qrupi mıborizədə bo İraği mıdofiyəro har cur koməqış karde və saxtə rujonədə çe İraği dust bıeyış subut karde.

bə İroni Mətbuat Xəbər Agentəti məlumoti əsos,İron İslom Respublikə prezdenti “Seyd İbreym Rəyisi” zinə şəvi (çoşanbə) de İraği xarici koon vəziri Fuad Huseyni vindedmonədə çe İraği hukuməti və çın kişfəri xalği bə İmom Huseyni(ə) zəvvoron çe Huseyni Ərbəyini əzəmətinə şemoni mərosimi zəmonədə səxovətinə mehmon nəvozətiş barzış zıne və bə İraği hukuməti vəzərotxonəon,sərhəd muhafizə ğıvvon və çəvon de Həşdi-Şaabi həmkoəti,həmçinin bə İraği milləti,xısusən həm çəvon şemonədə bıə səyon ki,çın mərosimi mehtəşəm bıeyədə əhəmiyyətin və təsirin be,ğədrdonətiş karde.

Prezdent çe İroni de İraği şəhidon,ə cumlə general-leytenant Şəhid Suleymoni və Əbu Mehdi Əl-Muhəndisi səyon dəvomədə çe İraği ləyoğət və ərazi təmomiyyəti mıdofiyəro,dini,mədəni və torixi əlağəon ğoymətiyədə bənə həmməysə muhimmə sənədiş zıne və çe dıqlə məmləkəti miyono mınosibəton və dıqlə xalği miyono har qıləy coəti rədd kardə və bə İraği umumi sərhədonədə və ya ərazi daxilədə terror qrupon mevcudiyyəti hiç qıləy şikilədə İroni tərəfiku tov nıvardeyış ifodə kardə holədə,tammə şikildə bə İron iyən İraği miyono əmniyyəti sazişi bə jimon dəvordıney zəruriyyətiş təkid karde.

bın vindemonədə çe İraği xarici koon vəzir Fuad Huseyni çe dıqlə kişfəri diplomatikə nımoyəndə heyəton və barzə rutbəninə rəsmiyon dəvominə vindemonon İron iyən İraği miyono zumand və inkişof kardə rabitəon nışonədə. zıne və bın vindemonon icro dayir hesobotış təqdım karde.

həmçinin ə cumlə əmniyyəti sahədə roziyəton və çe İraği bın roziyətonədə bıə sadiğətiş təkid karde və voteşe:İraği hukumət bə hiç qıləy hərəkot və ya qrupon çəy hamsuyəon,xususən çe İslomə Respublikə sərhədon təhdid və darıştey icozə nibədoe.