Beynəlxalğə parlamenti ittifoği iclosədə Fələstini milləti məzlumiyəti sədo

İroni İslomi parlamenti sədri muavin votışe: beynəlxalğə parlamenti ittifoği iclosədə (İPU), İslomi Respublika iyən həmcəhətə heyəton Fələstini milləti məzlumiyət bə həmmə dınyo quş bərosnon.

Bə milləti kə aqentiyəti raporti əsos, zinə şəv, Anqolaədə bə İPU beynəlxalğə iclosi səfə kardey bənav, İroni İslomi parlamenti sədri muavin Huccətul İslom Muctəba Zolnuri de işorə bə Fələstini milləti məsələ həxədə beynəlxalğə parlamenti ittifoğədə iştiroki fırsətiku istifodə kardey, iyən de İslomi kişvəron heyəton uzvon ım məsələon bəyon kardey votışe: sionist rejim nodonəti komil kardəşe iyən ımruj canq, islomi umməti dairə xarıc bıə.

Zolnuri ijən bəyonış kardə: de işorə bə ım ki Anqolaədə İPU beynəlxalğə iclosi iştirokiro tosə ısət 120 kişvər ıştə hozzoəti elan kardışone ijən votışe: ımsor, beynəlxalğə parlamenti ittifoğ de "Sulh, ədolət iyən zumandə təşkilot" şuari fəaliyət kardedə və 4 qılə sabit iyən daimə komitə ğolibədə bərpo bəbe.

İroni İslomi parlamenti sədri muavin ijən əlovəş kardə: ım iclosi kənoədə jeni nımoyəndəon iclos iyən cıvonə parlamenti nımoyəndəon icloson həm bərpo bəbe.