Tehronədə bıə BRİKS-i barədə İron Və Rusiyə məşvərəton
BRİKS-i barədə İron İslom Respublika iyən Rusiyə xarıci vəziron muavinon 2tərəfiyə votımoni iminnə baxş bərpo bıə.
Bə Tele-Rədio aqentiyəti raporti əsos, Rusiyə xarıci vəziri muavin iyən BRİKSi koonədə ım kişvəri məxsusə vığande Serqey Riyabkof de İroni xarıci vəziri iğtisodi diplomatiya muavin Məhdi Səfəri vindemonədə ım qrupədə İroni uzv bey təbrik votey bəpeşt, Miladi 2024 minnə sori əvvəliku bə Rusiyə devrəiyə rəyosəti bino bey işorəş kardə və ıştə kişvəri rəyosəti devronədə BRİKS-i barədə Rusiyə prinsipon bəyonış kardə.
Səfəri həm ım vindemonədə BRİKSi fəaliyəton vey hevuj zınəşe və ım qrupədə əktivə iştirokiro bə İroni ciddiyə irodə təkidış kardə iyən votışe: İroni xarıci vəzorətxonə ıştə həmmə cəhdon əncom dodə ki BRİKSədə konstraktiv və təsirinə roli ifo bıko.
Im muzakirəonədə BRİKSi fəaliyəton barədə iğtisodi, moli, ticorət, enerji, nəğliyot, parlamenti, ditəsərrufat, tojə texnoloqiyaon, elmi və təhğiği, səhiyyə, kəşfiyot texnoloqiya, ekoloqiya, ayrokasmik, varzışi, mədəni, cıvonon ijən vəomədə BRİKSi inkişofi baxşonədə məşvərəton əncom bıə.
