Imruj İroni İslomiədə bəsic təşkiloti icod bey sorəqardışe

Imruj i şanbə miladi 2023 minnə sori Noyabrə manqi 26 minnə ruj de İroni islamiyə Respublika təsisə əkə mərhum İmom Xomeyni əmri əsos bəsice mustəzəfani təşkil bey sorəqardışe.

İslami inğilabi səbarzəti bəpeştə və beynəlxalğə istikbariyə daston ironi faydonku ğət kardey bəpeşt, bə İroni zid deşmenon fitnəqərə hərəkəton ruj bə ruj əlovə bıə be.

Jıqo qıləy şərayetədə mərhum İmom Xomeyni(r) Miladi 1979 minnə sori Noyabrə manqi 26 yəni Hicri Şəmsi 1358 minnə sori Azər manqi 5 minnə ruj, bəsic mustəzəfan təşkilati təsis bey əmrış do.

İroni cıvonon  mərhum İmom Xomeyni əmri bəpeştə bə İroni zid İraği təşkil doə canqi cəhbəon şin və 8 sor mığəddəsə mudafiyə devranədə ıştə coni təğdim kardeədə ıştə tojə islamiyə inğılobışon bəji oqəte.

İslami inğilabi yolə rəhbəri Həzrət Ayətullah Xamenei bəsicış İroni milləti əzəməti simvol və məmləkəti daxilədə bə kar omə ğıvvəş zınə və votışe: bəsic inğilab və İslamiyə Respublika nizomi dustonro bə ommid və etımod və islamiyə nizomi deşmenonro bə tars və dəhşət bois bıdə.

Bəsicion dəvardə 40 sorədə ne fəğət mudafiyə və hərbi muxtəlif baxşonədə İron İslam Respublika nizomiku mudafiəş kardə bəlkəm elm və texnoloqiya baxşonədə həm həmmişə bə yolə inkişaf bois bıə.

İronədə bəsiciyə təfəkkuri muvəfəğiyyət bənə inğilob və islamiyə Respublika nizomi hərəkəton mərkəz məntəğə coqlə millətonru qıləy ulqu bıə.

Suriyə və İrağədə milləti tərəfo təşkil bıə ğıvvə  və de terurizm mubarizə bardeyədə ım 2 qılə məmləkəti silohinə ğıvvon kənoədə yolə muvəfəğiyyəton kəsb kardeədə rolışon ifo kardə ki bəsiciyə təfəkkuriku ulqu qəteədə əncom bıə.

Imruj islamiyə İroni sərasərədə bəsici muxtəlifə qrupon milləti muxtəlif qruponku  mərosimon bərpokardeyədə ijən həmmə cəhətdə islamiyə ironiku mudafiyə karde və islamiyə Respublika  inkişaf doeyro dəvom doeyu ıştə hozzı mande elan kardən və tojədən de islamiyə inğilobi hədəfon əhd-peymon bastən.