İslomi İnğilobi Yolə Rəhbər təkidış kardə: bəpe Amerkə və ğərbion zuə qəpon vədə beynəlxalğə koalisiya icod bıbu

İslomi İnğilobi Yolə Rəhbər təkidış kardə: İron və Kuba iğtisodi və siyosi veyə zərfiyətonku bəpe istifodə bıbu və Amerkə və ğərbi zuə sıxənon vədə kişvəroni ki mıştərəkə nəzəşon heste, qıləy koalisiya və ittifoğ icod kəmon.

Bə İslomi İnğilobi Yolə Rəhbəri məlumatərosnə mərkəzi raporti əsos, zinə əsrədə İslomi İnğilobi Yolə Rəhbər Həzrəte Ayətullah Xamenei  de Kuba prezdent Miqel Diyaz Kanel və çəy bə ico bıə heyəti vindemonədə əlovəş kardə: de təmərkoz bə iğtisodi həmkoətion, Amerkə və ğərbi zuə qəpon  vədə, kişəvroni ki mıştərə nəzəşon heste, ehanə koalisiya icod kənən, karde bəznen beynəlxalğə vey muhimmə məsələon barədə bənə Fələstini məsələ barədə mıştərəkəm və təsirinə nəzə və rolışon bıbu.

İslomi İnğilobi Yolə Rəhbər ijən Fələstini məsələon barədə hamyəşe: Fələstini mevzu fəğət bə Ğəzzə və bombardımoni oxonə məsələon rəbtış ni boçi ki dəvardə 75 sori mıddətədə Fələstini millət həmişə ğətli-am, dard və muxtəlifə əşkəncəon jiədə bin, əmmo ısət Ğəzzə tanqədə fociə anədə yole ki dınyo umumi fikonro həğiğət oşko bıə və ım məsələ niyon kardey imkonış ni.

Həzrəte Ayətullah Xamenei beynəlxalğə məsələon barədə xusui Fələstini məsələ barədə Kuba prezdenti nəzəon de İslomi Rüspublika nəzəon hamcəhət zınəşe və beynəlxalğə icmaonədə de işorə bə 2 qılə kişvəri həmkoətion əlovəş kardə: muxtəlifə baxşonədə əcumlə elmi həmkoətion barədə 2 qılə kişvəri rabitəon bəpe dəvardəku vey zumand bıbu.

Ə Həzrət ijən işorəş kardə ki 22 sor bənav de Kuba həmonə zəmoni prezdenti Fidel Kastro vindemonış kardə be, ə Həzrət ijən hamyəşe: İslomi İnğilobi səbarzəti bənaviku Kuba inğilob və Kastro şəxsiyət həmişə İroni ijğilobiyonro vey cəzbəkə mevzu be və çəy illət həm inğilobi baxş və nəzəonədə çəy rosti və durusti be.

İslomi İnğilobi Yolə Rəhbər ijən təkidış kardə: inğilobi rosti, inğilobi muğavimət və inğilobi ğoyməti İroni İslomi İnğilob və Kuba inğilobi mıştərəkə baxşonin.