De Həzrəte İsa Məsih(ə)-i milad ruji mınosibəti təbrik
Imruj dışəmbə Milodi 2023 minnə sori Dekabrə manqi 25 ijən Həzrəte İsa Məsih(ə)-i moəku bıə ruje.
Bə İran Peres aqentiyəti raporti əsos, Həzrəte İsa Məsih(ə) İlahi yolə peyğombəronku qıləynie ki Kərimə Ğıronədə vey ehtırom ğərorış qətə.
Kərim Ğıronədə Həzrəte Məryəm(s)-i qiramiyə zoə, Həzrəte İsa Məsih(ə) de Ruhullah nomi ğeyd bıə.
Həzrəte İsa(ə), çı yəhudiyon osmoniyə kitob Turatədə ğeydış karde ki mıku bəpeşt de Əhməd(yəni islam dini qiramiyə peyğombər(s)) nomi qıləy Rəsul bome,.
Məsihion, İsa(ə) milad ruji xoto vey məxsusə şoə mərasimon bərpo kardedən ki kədə noyə sori yolkə səpo karde çəy məşhur adətonin.
Bə həminə mınosibəti xoto, zinə şəviku İroni ermənion və məsihion məxsusə şoə mərosimon bərpo kardəşone.
Məsihion miyono Həzrəte İsa(ə)-i moəku bıə ruji barədə ixtilafoni heste, əmmo əvon qırd Yanvari i minə ruji bənə noyə sori i minnə ruji ğeyd kardedən.
İroni Rəşt şəhri Tolışi Rədio tərəfo həm ımrujnə ruji, Həzrəte İsəbne Məryəm(ə) milad ruji ğeydiyati bə şəmə təbrik ərz kardedəmon.
