Livani Hizbullah Qeneral Seyd Rəzi şəhodəti dumoədə təsliyətə mesajış vığandə

Zinə şəv Livani Hizbullah qıləy bəyoniyə ğolibədə qeneral Seyed Rəzi Musəvi şəhodəti ki Suriyə Seyede Zeynəb(s) məntəğədə sionist rejimi həmlə cərəyonədə şəhid bıə, təsliyət votışe.

Qeneral Seyed Rəzi Musəvi, İslomi İnğilobi Sepah Təşkilati Ğuds ğıvvə məsləhətçionku qıləyni be ki Suriyədə muğaviməti mehvəriku himoyə baxşədə fəaliyətış be. Seyed rəzi, bə Dəməşği Zeynəbiyə məntəğə sionist rejimi Dışəmbə ruji həmlə cərəyonədə şəhid bıə.

Bə İrna raporti əsos, Livani Hizbullah bəyoniyədə omə: Şəhid Seyed Rəzi Musəvi vey çokə bıvəonku be ki çand da soron mıddətədə Livani islomi muğavimətiku himoyə kardeyədə cəhdış kardə be və canq və cihodədə Qeneral Şəhid Hac Ğasım Suleymani bə ico be.

Livani Hizbullah ijən təkidış kardə: ım cinoyət bə sioniston co qılə cinoyəton karnomə əlovə bəbe və ım məsələ oşkoə təcavuz, be həyoəti və həmmə xəttonku dəvardey bə hisob omeydə.

Livani Hizbullah ıştə sıxənon oxoədə ım qenerali şəhodəti bə Sepah Pasdarani komandir, İslomi İnğilobi Yolə Rəhbər Həzrəte Ayətullah Seyed Əli Xamenei, ım şəhidi ailə və İroni həmmə millət təsliyət votışe.

İraği Nocəba islomi muğaviməti hərəkət həm bə Şəhid Seyed Rəzi Musəvi terrori reaksiya nışoş do iyən bəyoniyə ğolibədə elonış kardə: qıləy astovə dastiku doəmone ki astovəoni be ki həğiğətku mudafiə kardəş be, Həzrəte Zeynəb(s)-i pokə hərəmiku terroriston çerkinəti pokış kadə be , çəy şəhodəti bə həmmə muğaviməti bıvəon təsliyət ərz kardedəmon.