Prezdent:Bə elmi əsos bıə investisiyon resurson co kardey foydənine

İron İslom Respublikə prezdenti təkidış karde: de har nev moliyyə dastək və imkonon təmin kardey və bə elmi əsos bıə fəoliyyəton mənbə iyən resurson co kardey xarc ni,foydənine və bə vəomə əsos hisob kardey bıə investisiyəy.

İroni bə elmi əsos bıə mıxtəlifə məhsulon bə mıxtəlifə kişfəron min cumlə bə Latın Amerkə ixrac kardey beydə.Braziliyə və Venesuela həm bə elmi əsos bıə şirkəton sahədə de İroni həmkoəti kardedən.

İron İslom Respublikə prezdent Seyd İbreym Rəyisi zinə (seşənbə ruji şəvi zəmonədə)“Bə elmi əsos bıə texnologiyəon və istehsolaton rəhbərəti” Şura seminə iclosəda ğanuni tətbiği sahədə vində bıə səy və tədbironış barz qəte və bə10 həzosə ziyodə aktiv şirkəton bə elmi əsos bıə şirkəton istehsolı və inkişofi himoyə və çəvon fəoliyyəton moliyyə dastəkiş təkid kardeşe.

Prezdenti peşo əlovəş karde:bə nəzərə bıstənəmon ki, bə elmi əsos bıə fəoliyyəton inkişof,bə ko və məşğuliyyəton icod kardey,istehsoli ziyodəti və texnoloji tərəğği boyis bəbe,əve har cur moliyyə dastək və imkonon təmin kardey və bə elmi əsos bıə fəoliyyəton mənbə iyən resurson co kardey xarc ni,foydənine və bə vəomə əsos hisob kardey bıə investisiyəy.

Nikaraqua xarici koon vəzir "Denis Monkada" bə İroni İnnovasiya və Texnologiya Kə səfə zəmonədə çe İroni bə elmi əsos bıə şirkəton çın məmləkəti vıjoronədə fəoliyyət nışon doey vanqış jıə və votəşe:İroni elm şirkəton noiliyyətləri iftixoramize.

Bə İroni səfə kardə Denis Monkada de Elm və Texnologiyəon Beynəlxalğə Əloğəon Mərkəzi rəhbər bıə Əmir Huseyn Mirabadi mışoyiəti çe Tehron Beynəlxalğə Nımoyişqo dayimi vırədə çe İroni İnnovasiya və Texnologiya Kəş ziyorət kardə.Nikaraqua xarici koon vəzir dıqlə məmləkəti miyono rabitəon səviyyəku ıştə məmnunəti ifodə kardə holədə voteşe:ın kişfər İ çe İroni şirkətonku mıxtəlif sahəonədə,xısusən moyəvonəti,di təsərrufot,bərpo bıə enerji və səhiyyə sahəonədə həmkoəti və texnologiya transferi tələb kardedə.

İnnovasiya və Rifah Fondi yol Muhammad Sadığ Hayatiyan həm dəvardə Həşi sori (1401) bə elmi əsos bıə şirkəton tərəfiku 600 milyoniku tosə 1 milyard dollari ğədər ixracat kardeyış bəyon karde və voteşe:əmə himoyə paketon hozzı kardə holədə bə elmi əsos bıə şirkəton bo ixrac kardero səy kardedəmon.