İrəvanədə Əmirəbdullahiyan de Ermənistoni rəsmi şəxson vindımonışon kardə
İron İslom Respublika xarıci vəzir de Ermənistoni xarıci vəzir və ım kişvəri iminnə vəziri co bıə vindemononədə 2tərəfi və məntəğə rabitəon barədə məşvərət kardışone.
Bə İran Peres aqentiyəti raporti əsos, İron İslom Respublika xarıci vəzir Huseyn Əmirəbdullahiyan ki de ali heyəti bə ico və İrəvanədə de Ermənistoni ali rəsmi şəxson votımon kardey xoto İrəvanədə iştirokış heste, zinə Çoşəmbə de Ermənistoni iminnə vəzir Nikol Paşiniyan vindemon və votımonış kardə.
Bə nəzə rəseydə ki Cənubi Ğəfğazədə oxonə təhəvvulaton və 2tərəfi rabitəon əcumlə ım votımoni mehvəronku be.
İron İslom Respublika diplomatiya təşkilati sədr, çımiku bənav və bə İrəvan varid bey bəpeşt, de Ermənistoni xarıci vəzir Ararat Mirzoyan vindemon və votımonış kardə be.
Cənubi Ğəfğazədə cari təhəvvulaton və mədəni, iğtisodi, siyosi muxtəlifə baxşonədə 2tərəfi rabitəon əcumlə ım vindemoni votımonon mevzuonku be.
