Imruj, qeneral şəhid Ğasım Suleymani 4minnə sorəqardışe
Imruj, Çoşəmbə, Miladi 2024 minnə sori Yanvari 3minnə ruj iyən de İslomi İnğilobi Sepah Təşkilati Ğuds ğıvvə nakonə komandir, qeneral Şəhid Ğasım Suleymani 4minnə sorəqardışe.
Miladi 2020 minnə sori, Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani qıləy holədə ki İraği rəsmi şəxson dəvəti bə ım məmləkət səfərış kardə be, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi şəhid be.ım hodisədə İraği milləti bəsici (Həşdu-Şəbi) nakonə komandir Əbo Məhdi Əlmuhəndes iyən 8 nəfər ım 2 qılə komandiri bə ico bıə kəson həm şəhid bıən.
Imruj Çoşəmbə İslomi İroni həmmə vırəonədə bə Qeneral Suleymani şəhodəti mınosibəti xoto, muxtəlifə mərosimon bərpo bəbe.
dınyo muxtəlifə məntəğəonədə xususi Asiya ğərb məntəğə bə həminə mınosibəti xoto, de terrorist mubariz bardeydə ım yol qenerali mıcohidəton ğədrdonəti kardeyədə mərosimoni bərpo bəbe.
Cenevrədə İMT ofisədə İron İslom Respublika daimə nımoyəndə, qeneral Suleymani 4minnə sorəqardışədə bə ım təşkilati ali kamissari ofis məktobədə muğaviməti komandiri şəhid kardeyədə, Amerkə devləti terroristiyə hərəkət, qıləy hədəfmənd, beədolətin iyən ğeyri ğanuni zınəşe.
