Borel Kermanədə terroristiyə hodisə məhkumış kardə

Zinə şəv, Avropa ittifoği xarıci siyosəti rəsmi şəxs, Cozep Borel de İroni xarıci vəzir Huseyn Əmirəbdullahiyan telefoniyə votımonədə Kermani Qolzare Şuhəda terroristiyə cinoyəti de şiddətin məhkumış kardə.

Zinə əsrədə İslomi İnğilobi Sepah təşkilati Ğuds ğıvvə nakonə komandir Qeneral Ğasım Suleymani şəhodəti sorəqardışi mərosimədə və bə İroni cənub, Kermani Qolzare Şuhəda rəsey royədə, ım mərosimi zayiron miyonədə 2 qılə terroristiyə tepımon əncom bıə ki bois bıə 103 nəfər şəhid və 211 nəfər həm zəxmin bıbun.

İroni devləti heyət, ımruj Pencşəmbə ruji kişvərədə umumiyə əzo elanış kardə. həminə cəhətədə kali kişvəron yolon və rəsmi şəxson de bəyoniyə muntəşir kardey vositə, İroni Kermanədə ım hodisə de şiddətin məhkumışon kardə.

Bə İrna raporti əsos, ım telefoniyə votımonədə Cozep Borel bə ım hodisə ğıboniyon ayləon, İroni millət və devlət təsliyət votışe və bə zəxmin bıə kəson şəfo orzuş kardə.

Im telefoniyə votımonədə ijən məntəğə təhəvvulaton əcumlə Ğəzzə barədə həm sıhbət bıə.