Kənani, məntəğədə canqi hevujəti barədə bə Blinkeni sıxənon reaksiya nışoş do

Amerkə xarıci vəzir Antoni Blinken bə Ğətər ıştə səfə cərəyonədə, məntəğədə canqi hevujətiku sıxən votəş be, ki İroni xarıci vəzorətxonə sıxənəvot, Nasır Kənani elonış kardə be ki əv bə tojə xəbə və hodisə dast peydoş nıkardə.

Bə Fars aqentiyəti raporti əsos, Kənani ijən əlovəş kardə: ım həmonə nəzə heste ki əvvəliku elon kardəmon be ki ehanə bə Fələstini milləti ələyh sionist rejimi cinoyəton oqətə məbu, canqi cəhəton və hevujəti əlovə bəbe.

Amerkə xarıci vəzir ki Ələğsa Tufan əməliyoti bəpeşt, çominnə kəre heste bə məntəğə səfərış kardə, Ğətərədə ıştə sıxənonədə bəyonış kardə ki canq karde bəzne vey hosto surət hevuj bıbu.

Baydeni devləti diplomatiya təşkilati sədri ım sıxənon qıləy holədə bəyon bıə ki İron İslom Respublika 3 manq çımiku bənav məntəğədə canqi şiddəti əlovə bey barədə notaş doə be.

İroni xarıci vəzorətxonə sıxənəvot ijən bəyonış kardə ki ehanə əmə məntəğədə canqi cəhəton və əhotə dayrəon hevujəti şoyd hestimon və de təəssufi cinoyətkorə həmləon həmçınan dəvomış heste, bə Amerkə devləti bediğğəti xotoe.

Çımiku bənav həm HƏMAS-i siyosi ofisi sədr, İsmail hənyə bə məntəğə, Amerkə xarıci vəzir Antoni Blinkeni səfə reaksiyaədə ıştə umodəvonəti nışoş do ki əv Ğəzzə milləti ğətliamədə bə Amerkə səhvon aqah bıə.