Nəhcul-Bəlağə pand iyən hikməton

Nəhcul-Bəlağə pand iyən hikməton

Və ğalə Əli(ə)”innə hazihil-ğulub....ın dılon həm məlul və ğəmqin beydən.inson ki,coyli məlul beydə.çən, boçəvon şoyvonətiro ğəşənq iyən hikmətamizə sıxanon dumo bıbənən”.

Əmirəl-Muminin Həzrət Əli(ə) ıştə bın hikmətamizə sıxanədə bə qıləy rufi muhimmə nuktə ki,çe insoni jimonədə veyə təsirış heste,işorə kardedə və hamyedə:”ın dılon bənə bədəni məlul iyən ğəmqin beydən. çən,boçəvon şoyvonətiro ğəşənq iyən hikmətamizə sıxanon dumo bıbənən”.

İnson sanqinə koon əncom doey bədiqə oqıneydə və boştə sıstəti bərtərəf kardero bə isturohət iyən təfrihi niyozış heste.ın istirohət bo insoni cismi ziyodə əhəmiyyətış heste.çıro ki,çəy bədəni bo coqlə ko bino kardero hozzı kardedə.çe insoni ruf həm jıqoye.elmi mırəkkəbə məsələon,iştimoyi,siyosi iyən mədəni muşkiloton həll kardey əy oğandedə.bəçəy xoto bəpe çe odəmi ruf qıləy oroməti pəyduko.ruhi oroməti çe mıxtəlifə roonku təmin beydə.qahi zəmon de bə təbyəti dovnə şıey iyən de qıləy reçinə mənzərə,boğon,vılıstonon,havzə vıron iyən şuləon vindey və qahi zəmon həm de ciməni pərəndəon sədo məsey iyən ğəşənqə pərəndəon mışohidə kardey çe insoni ruf oj iyən tojə beydə.qahi zəmon həm de duston həm sehbət beyədə və deştə oşnoon iyən xıyzoni uzvon votemon kardeyədə və bəzi vaxton həm inson de kitoni mıtoliyə kardey və de məno pur bıə qıləy mətləbi məsey,inson bə qıləy oroməti rəsey bəzıne.ımon həmmə bə insoni oqıniyə rufi qıləy oroməti baxş kardey bəzıne.əmmo ğasbu çımonku həmməysə vey çokə qıləyni həmonə hikmətamizə çokə sıxane ki,qahi vaxt çe qıləy şeyri və bəzi zəmon həm nəsri ğəlibədə ədo beydə.ə hikməton ki,həm çe insoni elm iyən zıney ziyod kardedə və həmən boəy qıləy şoə hiss və oroməti ofəyedə.ğasbu bə həmonə dəlili xotoye ki,dini elmon alimonku idastə ğəşənqə ğıssəonku iborət kitobon,cozibədorə şeyron iyən çokə lətifəonışon nıvıştə ta elmi tələbəkəyon oqıniyə iyən sıst bıə zəmonədə çəvonku bıhandon iyən ıştə sıstəti bərtərəfkon.

Nəhcul-Bəlağə nəve iminə hikmət çəmə dığğəti bə ın həyğəti səmt cəlb kardedə ki,boştə sıstəti iyən lırəti bərtərəf kardero elmi iyən iştimoyi koonku oko bıdəmon ta de qıləy barzə əhvol-ruhiyyə bəştə mısbətə koon dəvom doey bızınəmon.

Əmirəl-Muminin Həzrət Əli(ə) bın boho ğeymətinə hikmətədə bə”tıərayifəl-hukmi” işorə kardedə. Tərayif çe Tərifə cəme və bə har qıləy tojə,cozibədor iyən təəccıb vardə çi votey beydə.beşək inson çandə saat ya dəğiğəon ki,de tərayifi hukmi məşğul beydə,çəy umri foydənin iyən səmərəninə ləzə və anonku bə hisob omeydə.zira həm çımi qıləy təlim doə cəhətış heste və həmən bə əhvol-ruhiyyə barzəti iyən bəçəy kardə ko ziyodəti səbəb beydə.

Bəziyon həm bın bovədən ki,təfrih,sətasponey iyən nəvey bənə bə maşini çəxon ruyən jıey iyən bəy servis nışon  doeye.ın maşin bo isaati oqətey beydə.əmmo qıləy nuyə ğudrət iyən zu pəydo kardedə ki, çandə bərobər çəy əvəzi beşeydə.həmçinin çımisə əlovə çe maşini umri həm ziyod kardedə.

Çoko ki,Xıdo Rəsuli(s) bəştə nezə səhobə bıə Əbuzər Ğəffori jıqoş hamye:”ha Əbazər ha!ağılmandə inson ıştə vaxton bə ço baxş təğsım bəkarde.iqlə saat deştə Xıdo mənocoti koy məşğul bıbi.iqlə saat deştə kardə əməlon mıhosibə koy məşğul bıbi və isaat çe Xıdo ofəyə məxloğati (Xıdovəndi əto kardə neməton) həxədə əndişə iyən fik-famkə və i saat həm deştə nəfəsi çe həlolə çiyonku bəhrə bobə ki,ın saət bə co seqlə saəton koməq bəkarde.

Əmmo əmə bəpe çe viro beməkəmon ki,təfrih iyən sətasponey bəpe solimə royku bıbu və ehyanə ım jıqo nıbu hiç qıləy muşkili həll nibəkarde,bəlkəm muşkil iyən problemon həniyən ziyod bəkarde.