Putin:ironi millət ıştə hakimiyyətiyu nıtars canq kardən

Bə Pars Tudey xəbəron əsosi Rusiyə prezdenti votəşe: ironi millət nıtars və ğəhrəman ıştə hakimiyyətiyu canq kardedən.

Bə İRNA nəğli əsosi Pars Tudey xəbəş doə Rusiyə prezdent Velodimir Putin 2 şanbə ruji de ironi xarici koon vəziri seyd Əbbas Ərağçi təşkil bə vindımonədə bə Amerkə və sionist rejimi təcavuzi işorə kardeədə votışe:ironi millət nıtars və ğəhrəman ıştə hakimiyyətiyu canq kardən.Putin votəşe dəvardə haftə inğilobi rəhbər Ayətullah seyd Muctəba Xameneyi mesaj bə çıman dast rəsə və əlovəş kardə şıməku pidəme ki çıman səmimiyə ğədrdanəti Ayətullah Xameneyi mesaji xoto bə yolə rəhbəri təğdim bıkən və Maskva siyasəton həm təsdiğ bıkən ki Rusiyə həm bənə İron ğəsdış heste ıştə stratejikə rabitə dəvom bıdə.Rusiyə prezdent dəvomədə votəşe: əmə ve ommidvarimon ki tojə rəhbəri hidoyəton sayədə ironi millət bəştə nıtars və bə istiğlali hifz karde meylon peştpurəti əsosi çı saxtə devrəku dəvardo və bə sulh bırəso.əv təkidış kardə çəmə tərəfo ha ko ki şımə iyən məntəğə həmmə milləti faydon əsosədə bıbo bə sulh rəseyu qıləy nezə zəmanədə əncom bədomon.İroni xarici koon vəzir həm ım vindımoni əvvələdə votışe: yolə rəhbəri və prezdent Məsud Pezeşkiyanı səlomi bə şımə rusneyu vəzifədom.əv Putin və Rusiyə siyasətonku, Amerkə və sionist rejimi bə ironi zid təcavuzi vədə himoyəon xoto ğədrdanətiş karde və bə yodış dəğande dınyo həmmə ironi həğiğiyə ğıvvəşon Amerkə vədə mışohidəşon karde və ruşin be ki İron İslom Respublika qıləy zumand və subutə nizome.Ərağçi əlovəş karde ironi millət dıştə ğəhrəmanəti karde zınəşone Amerkə təcavuzi vədə mığavimət karde və karde bəznen ki çı mərhələku həm dəvarde.İroni xarici koon vəziri təkidış kardə Maskva və Tehronı miyonədə rabitə qıləy stratejikə həmkoətiye və həmçınan zumand bəbe.