Bə Anrova beynəlxalğə koməkon dəvomiro İMT sərkotibi tələb

İMt-ədə sərkotib bə beynəlxalğə kişvəron koməkon və himoyə dəvomi bə Fələstini avarəonro İMT ko aqntəti (Anorva) tələbış kardə.

Bə İrna raporti əsos, zinə İşəmbə İMT sərkotib, Antoniyo Qutereş, dınyo dıvlətonku tələbış kardə ki de diğğət bə sionist rejimi həmləon xoto, Ğəzzə tanqədə fociəomizə vəziyəti dəvom, Fləstini avarəonro İMT ko aqentəti ıştə moli  koməkon himoyə dovom bıdən.

Miladi 2023 minnə sori Oktiyabrə manqi 7 minnə rujiku bə Ğəzzə tanqə sionist rejimi həmləonədə Anorva kali koəkəyon rol bey iddion cərəyonədə,  İMT-ədə sərkotib təəhudış kardə ki ehanə İMT koəkəyonku qıləyni ım terroristiyə hərəkətonədə rolışon bıbu, bəpe cəvob bıdən.

Qıləy holədə ki bə Ğəzzə tanqə sionist rejimi həmləonku 113 ruj dəvardedə və Fələstini avarəon saxtə şəroyetədə hestin, kali sionist rejimi işğolçiyə himoyəkəyon kişvəron bə Fləstini ələyh xəbisə plani ğolibədə bə İMT vabəstə bıə Anorva aqentəti moli koməki be hərəkət kardışone.