Ğəzzə tanqə cənubədə insoni bevəcə vəziyəti barədə Hollandiya nota
Hollandiya xarıci koon vəzir Ğəzzə cənub Rəfəh məntəğədə bə insoni yolə fociə notaş do.
Bə İrna raporti əsos, Hollandiya xarıci vəzir Hankə Broynes Slot İks nomo şusiyal şəbəkədə Ğəzzə tanqə cənubədə Rəfəh vəziyəti vey niqəronəkə zınəşe və notaş do ki bə Rəfəh sionist rejimi vəhşiyə həmləon ğəbul kardənin ni və bə qıləy vey yolə insoni fociə əvəz bəbe.
Slot ijən əlovəş kardə: de diğğət bə ım ki Ğəzzə tanqədə vey sakin bıə Fələstini molki şəxson bə Ğəzzə cənub fəror kardışone, bə ım pur cəmiyətinə məntəğə sionist rejimi həmləon vey tələfot bois bəbe.
Fransə parlameti nımoyəndə Erik Kokrel həm ki tojədən de Fransə ğanun noey heyəti bə ico Rəfəh dəvardəçoku osəğandəşon be, Ğəzzə tanqədə etosniye dəvomiku ıştə niqəronəti nışoş do iyən Ğəzzə tanqədə etosniye vəy qəteyədə həmmə kişvəron təcili hərəkəti tələbış kardə.
