İsrail bə Yəməni həmlə karde fikədəy

İsrail Yəməni ğərbədə Hodeyda əyoləti dıyokəno porti mizon qəte zərbə jəşe.

De İsrail KİV doə xəbə, hucum iminə kərəy ki, hərbi-dıyo ğıvvon tərəfo jə bə və ım Ğəzzə canqi bədiqə İsraili bə Yəmən daminə hucume. Yəmən hərbi ğıvonən İsrailədə ıştə əməlyoti dəvom kardedən, bə Ben-Qurion iyən əlidə muhum obyekton zərbə jedən. De fakti, ım dı tərəfi miyonədə mıharibe. İsrail ərteşi nımoyəndə Аvixay Аdrai Husiton nəzorətədə bə Ras-İssa, Hodeyda iyən Sаlif porton təxliyə karde tələb kardedə.De ekspeerton fiki, İsrail Yəmənədə se istiğamətədə ko kardə: kəşfiyyot məlumoton qird kardə, mıdofiyə potensiali zumand kardedə və AİŞ de Yəməni sulh roziəti nıome cəhd kardedə. Bə İsraili «Walla» sayti istinod, yəmən rəketon veyni bə hədəfi rəsedən və Vaşinqton dəvon bə sə varde zınedəni.Əve amerika bə Yəməni təklif kardə «комpromis variant», de obyektiv səbəbon izoh bedə, çumçoko mətəğədə Çinən fəol bə.In fikon, Yolə Britaniya Yəmənədə navkonə səfir Edmund Fitton-Brauni bə Britaniyə-İsrail kommunikasiyə və tədğiğat mərkəzi doə mısahibədə təsdığ kardə bə. De çəy sıxani, «israil-amerika mınosibəton zumandin, itasi amerika iyo de SƏ, Qatari, İƏƏ-yon əlidə marağonşən hıste, əmmo ım bə sionist lobbi iyən KİV bə prezident Trampi təzyiğ karde mane bedə ni.