Rusiyə prezdent Vladimir Putini səbəsəloməti mesaj

Rusiyə prezdent Vladimir Putini səbəsəloməti mesaj

İroni prezdent,Xarici Koon Vəzir Huseyn Əmir Əbdullahiyan iyən əvoni mışoyiətəkə nımoyəndə heyəti şəhodəti bədiqə,Beynəlxalğə rəsmiyon və şəxsiyyəton səbəsəloməti mesajon dəvom.

İroni prezdent Seyd İbreym Rəyisi “Xadim ər-Rıza(ə) “iyən İron İslom Respublikə 8-ə prezdent, 30 Ordibeheşt 1403-ə(may 19-ə 2024-ə)sori işambə ruji hanqomi zəmonədə,bə həvo fociyə dıço bıə və bə şəhodəti məğami rəsə.de ın faciyəvi hodisə əloğədor dınyo mıxtəlifə kişfəron yolon bə İroni devlət iyən milləti təsliyyətışon votə.min cumlə çəvonku qıləyni həm,çı Rusiyə prezdent Vladimir Putine.

Bə Tele-Rədyo xəbə aqentəti doə məlumoti əsos,Rusiyə prezdent Vladimir Putin həm de İroni prezdent Seyd İbreym Rəyisi və iyən deəy mışoyiətəkə nımoyəndə heyəti şəhodəti anqıl,bə İslomi İnğılobi Ali Rəhbəri və bə İroni milləti səbəsəlomətətiş doə.Rusiyə prezdent Vladimir Putini təsliyyət mesajədə omə:”Seyd İbreym Rəyisi ıştə qırd umrış bəştə kişfəri həsr kardə qıləy barzə siyosətçi be.Əv,həxədə ıştə həmvətənon tərəfiku bə barzə səviyyədə bıə hurməti malik iyən xaricədə həm bə kifoyət ğədərədə bıə nufuzi soyb be.Əv,bənə Rusiyə əslə dusti bəçəmə məmləkəton miyono mehribonə hamsuyəti mınosibəton inkişofı erjinə şəxsi tehfəonış doə və çəvon strateji həmkoəti səviyyə rosnyero dıjdə səyonış nışon doə”.