İnğılobi Ali lider:Fələstini mevzu çı dınyo iminə məsələy

İnğılobi Ali lider:Fələstini mevzu çı dınyo iminə məsələy

İnğılobi Ali lider:Fələstini mevzu çı dınyo iminə məsələy

İslomi İnğılobi Ali Məğaminə Rəhbəri Fələstini məsələş bə dınyo iminə məsələ təbdil bıey bəyonış karde:Ğəzzə tanqə milləti imon və bə təğdiroloyığ mevğeyon ruşnədə,işğalçiyə rejim çe dınyo çəşon mığobilədə ov beydə.bə Ali RəhbəriAparati informasiyə bazə əsos;Həzrət Ayətullah Xameneyi ımruj dışambə ruji maştəvoni de İmom Xomeyni(r.ə) meraci 35-sornə bəfoti sorəqardışi mınosibəti çe milləti hevujə cəmədə İmom Xomeyni(r.ə) fik iyən rəyonədə çı Fələstini məsələ əhəmiyyəti izoh kardə holədə,bə de sazışi bıə mızokirəon əhəmiyyət nıdoey, Fələstini milləti əməli meydonədə bıə iştirok və çı həmmə xalğon həxon bəyji kardey iyən himoyə.məxsusən Fələstıni mısılmonə millət.ə həzrəti bo Fələstini milləti səbarzətiro çe İmom Xomeyni(r.ə) nəzon xulosəşon zıne iyən əlovəşon karde:ısət holı-hozzıədə ın dıjdə hodisəon bə həyğət rəsə holədəy.

İslomi İnğılobi Ali Məğaminə Rəhbəri çı Fələstini məsələ bə dınyo iminə məsələ təbdil bıey və bə London,Paris iyən Amerkə universitetonədə bərpo bıə anti-seonistə nımoyişon işorə kardə holədə voteşone:dırozə soron Amerkə -sehyonist mediya və təbliğoti mərkəzon bo Fələstini məsələ çe viro bekardeyro səyonışon həm karde,əmmo çe Əl-Əğsa tufon və Ğəzzə tanqə milləti mığoviməti fonəda Fələstin ısət çı dınyo iminə məsələy və Amerkə çe xalğon qlobal icmo iyən konsensusi vədə passiv bıə iyən rə-di məcbur bəbe ıştə daston çe sehyonist rejimi peştiku peqəto.

Ayətullah Xameneyi sehyonist rejim bə Əl-Əğsa tufon əməliyyot (7 oktyabr 2023) səbəbi xoto bə meydoni kınci dəbırcıniye işorə kardə holədə voteşone:Amerkə və ğərbi çandə qılə hukuməton bə ın rejimi dastək dəvom həm bıdon,əmmo əvon həm zıneydən ki,əyo bo işğalçiyə rejimi qıləy nicoti roy ni.

Ə həzrət bə veyə analitikon “dınyo çe seonist rejimi oxo sıftədə  bıey” işorə kardə holədə voteşone:bə Ğərbi təbliğoton rəğmən,sehyonist rejim dınyo milləton çəşon mığobilədə ov beydə və bə oxo rəsə holədəy və xalğonku əlovə dınyo ziyodə siyosətçiyon iyən hətto sehyoniston həm ın həğiğətışon dərk kardə.

İroni İslomi İnğılobi Ali Məğaminə Rəhbər həmçinin şəhidə prezdent Seyd İbreym Rəyisi xususiyyəton iyən xıdməton tarif kardə holədə,xıdməti şəhidon dəfni mərosimədə milləti mənodor iyən əzəmətinə iştiroki xoto mınnətdorətiş karde və voteşone:navədə bıə vey əhəmiyyətinə səçınon daston,xıdməti şəhidon bə ro dəğandeyədə milləti dastoni təkmil kardə xıdməte.

Həzrət Ayətullah Xameneyi əlovəşon karde:İroni millət ıştə mənafeyon xandi kardey və mırəkkəbə beynəlxalğə mıodiləon strateji nığıləti sabit kardey və bo kişfəri təmi şin kardero,ıştə təbiyi iyən bəşəri imkon və istedodon nışon doeyro,həmçinin ixtisodi iyən mədəni təyə vıron pur kardero bəy qıləy aqah və bə İnğılobi məbno iyən əsoson bovə kardə fəol iyən zəhmətkeşə prezdenti niyozış heste.