Elmiyə inkişofi sahədə İron dınyoədə i minə rutbəş heste.

İroni texnoloqiya, təhğiğ və elmon vəziri muavin dəvarde sori muvəffəğiyəton barədə votışe: dınyo 25 qılə məşhurə kişvəron cəmədə ijən elmon istihsol karde reytinqədə İron ujnən elmon istihsoli inkişof və bə məğaləon muraciət karde xoto dınyoədə i minə vırəş heste.

İroni texnoloqiya təhğiğ və elmon vəziri muavin Vəhid Əhmədi bə jurnaliston votışe: 2013 minə sori mığoyisədə İroni elmiyə məğaləon miğdor ısət 31142 qılə məğaləku bə 43200 məğalə rəsə.

Vəhid Əhmədi İronədə dəvardə sori elmiyə məzənə miğdori 14 faiz elanış karde və əlovəş kardə: ım inkişof qıləy vəziyətdə bə vecud omə ki dınyo bəzi yolə kişvəron de mənfiyə inkişof dim bə dim bıən.

Əv bə İroni reytinq İSİ nomo bıə elmiyə mərkəzdə işorəş kardə və votışe: İSİədə İroni elmiyə reytinq 11, ijən SKOPOSədə de 2 qılə rotbə rost bey 16 minə rotbə və vırədə ğərorış qətə.