Ətrof Muhiti Qlobal Ruj
Ətrof Muhiti Qlobal Ruj
Ekoloqiyə Qlobal Ruj oxonə soronədə bə umum millət iyən devləton aqahəti baxşeyku əlovə,qıləy təsirış həm noey zınəşe.milodi 1972-ə sori Ətrof Muhiti həxədə iminə dıjdə konfrans ki,çe İMT nəzorəti jiyədə təşkil be,iyunə manqi 5-iku de tobə 16-ə ruji İsveçi Stokholmədə bərpo be.ın hodisə ki,bənə İnsoni Ətrof Muhiti Konfrans ya Stokholmi Konfransi zıney be.bə ekoloqiyə planon rəsey iyən İnsoni Ətrof Muhiti barzəti keyfiyyəti bardə qıləy mıştərəkə nəzə icod kardey bənə qıləy hədəfi unvoni ğərol doey be.ın hodisə həyğətədə çe Ətrof Muhiti beynəlxalğə siyosəti ozavziyedə qıləy mıvəffəğə bərnomə be.çandə manqi bədiqə həmonə sori dekabrə manqi 15-ə ruji Umumu Assambleya qıləy ğətnoməş təsvib və ratifikasiyəş karde ki,əyo iyuni 5 bənə Ətrof Muhiti Qlobal Ruji unvoni nom noey be və çe İMT devlətonku tələb kardey be ta hasor həmonə ruji hevujə fəoliyyəton əncom bıdon iyən bəştə çe ekoloqiyə həxədə bıə norohətçətiyon təkid bıkon.
Ətrof Muhiti muhafizə de ekoloji maarifin kardey iyən aqahəti bəxş kardey,erjon təsbit kardey iyən həmçinin bo Ətrof Muhiti malikətiro təğib kardey hədəfi solim iyən səloməte.bənə Ekoloqiyə Qlobal Ruji unvoni nom noey koməqış karde ta aqahətiyon ziyod bıbu iyən beynəlxalğə onemon iyən təşkiloton ıştə bənə ozoni təbəğə xərob bıey,zəhrinə kimyəvi maddon,biyobonon bə əməl omey iyən zəmini kurə qam bıey həxədə bıə niqəronətiyon,ciddiyə formədə çəvonku bəhskon iyən bo ın muşkiloton həll kardero muhimmə konfrans iyən nıştemonon bərpokon.
Ətrof Muhiti Qlobal Ruji əsliyə hədəf çe ekoloqiyə feli iyən ısətnə şərayiti barədə hevujə ruşinəti iyən aqahəti baxş kardeye.bın ruji mərdum səy kardedən ki,çe jimoni çok bıey iyən bə Ətrof Muhiti koməqi roon bızınon.
Hasor bə ekoloqiyə ayid qıləy mevzu ya problem mevcude ki,çəy peyo təmərkuz və fokus kardey beydə iyən həmonə sori de həmonə muşkili mıborizə bardero təəhhudon çe dınyo qırd kişfəron tərəfiku nışon doey beydə.həyğətədə,har sori nom noey səbəb,bə qlobal irtibot iyən kommunikasiyə,dayimi surətədə bə dınyo tojə mevzuon peyo bıə fəoliyyət,aqahəti baxşey iyən çe kişfəron miyono bo Ətrof Muhiti ruji şuoron cəhətədə təəhudon icod kardey təkid kardeye.ın zəmini kurə bo təmom mərdumiye ki,iyo jimon kardedən və bəy qıləy ziyon rosney çe həyoti xərob kardey nışonəonkuye.qıləy solim iyən bəbiyətinə Ətrof Muhit nıbə holədə,əmə bənə qıləy mardə rufış bıə camiyə bəbemon ki,hiççiku şo və xoşhol beydəni.həmonə istiğomətədə çe 2024-ə sori Ekoloji şuor de(land .....)yəni zəmini bəyji kardey, biyobonon bə əməl omey vəy qətey iyən hışkəsorəti vədə mığovimət nışon doeye.
