Sanksiyə siyosət
Sanksiyə siyosət
BDS kampaniya bə sehyonist rejimi şirkətonqıləy ciddiyə təsironış noə.Aqriskso Carmel Kompaniyə çe sehyonist rejimi aqrar sənaye məhsulon ixracat kardə həmməysə dıjdə şirkəte ki,çe sanksiyə bədiqə məcbur be ıştə məhsulon de coqlə firmaon tərıği bəhəvato.sehyonist rejimi himoyə macəradə moli cəhəto bə sanqinə zərəlon dıço mandə ğərbi iminə kompaniyəonku qıləyni,Starbaski firma be.Starbaski şebə iyən filiyalon çe Amerkə daxilədə bıə etırozinə şemon iyən mitinqonədə bə həmləon məruz mandin iyən əvon həmonə şirkətiku bə Ğəzzə canqədə bə əməl omə qenosidi qıləy mınosibə reaksiyə nışon doeyışon tələb karde.Starbaski filiyalon veyni İndoneziyə iyən Malaziyədə məcbur mandin ıştə mağazəon tətilkon iyən dəvaston.Starbaski mağazə filiyal çe Tırkiyə İstanbulədə həm çe iminə mağazəonku be ki,bə Ğəzzə canqədə bıə tuməbıri etırozəkə millətbə həmonə vırə hucum kardeşone və bəçəvon bın şəhrədə bıə fəoliyyti mane bin.
Mak Donald çe coqlə şirkətonku qıləyni be ki,bə dınyo həmmə vıronədə de ziyodə odəmon təvəssıti bıə baykoti xoto,bə moliyyə ziyonon məruz mande iyən de oşkoə formə çın zərəlon həxədə qıləy mətbuoti bəyoniyyəş sadir karde.ın firma həmçinin elonış karde ki,çəvon məhsulon kaməti fəğət mısılmonə kişfəronədə bıən və amerkədə həm mərdum çın şirkəti bə sehyonist rejimi moliyyə koməq kardey dəlili xoto,jıqo hisob kardedəbin ki,bəpe baykot bıbu.əve ın şirkət amerkədə həm de kamə bəromə dimbədim ome.bə Royterzi doə hisoboti əsos,çe Mak Donaldi Misrədə bıə şebəon həm har ruj ıştə restoranonədə de təyə stulon dimbədim omeydən.Kuveytədə həm məlumot rəsə ki,bənə Starbask,Mak Donald iyən KFS bıə brendon həni qıləy məxsusə mıştəriyonışon ni.Tırkiyə TRT kanal hisobotış doə ki,bənə Starbask,Mak Donald iyən KFS xorəki brendon seqlə kişfər İordaniyə,Tırkiyə iyən Misrədə tətil iyən dəvastə bıey holətədən.
Koka-Kola nom çandə sorone de sehyonist rejimi nomi anqıle.Koka-Kola brend milodi 1967 tosə 1991- soron miyono de ərəb iyən mısılmonə kişfəron təvəssıti,çın şirkəti bə sehyonist rejimi himoyə kardey iyən bın məntəğədə fabrikə soxtey dəlili xoto,bə sanksiyə məruz mandəbe.Koka-Kola həm bənə Starbask iyən Mak Donaldi bıə co brendon baykot kardey be.Koka-Kola Tırkiyədə bıə nımoyəndəti elonış karde ki, həmonə zəmoniku bın kişfərədə Koka-Kola həvatey 22 fayiz bəkam bıə.bın holədə odəmi dığğəti cəlbəkə nuktə Misrədə bə əməl ome.macara jıqo be ki,bın kişfərədə de mərdumi təvəssıti Koka-Kola de sanksiyə dimbədim omey,Msri berndonku qıləyni bıə Espiro Spatis nomo brend,təğribən 100 sori bədiqə ijən bəyji kardey be və ısət millət çe Koka-Kola brendi əvəzi çəyku oko doydən.coqlə brend ki,çəy nom de sehyonist rejimi nomi anqıle,Nestle iyən Neskafe şirkətone....
