De İroni iştiroki “D8” qrupi fevğəlodə sammiti dəvordıney.
De İroni iştiroki “D8” qrupi fevğəlodə sammiti dəvordıney.
De İroni iştiroki “D8” qrupi fevğəlodə sammiti dəvordıney.
Bənə “D8” zıney bıə həşt qılə inkişof kardə holədə bıə İslomi Kişfəron Qrupi fevğəlodə qırdbemon çe Tırkiyə İstanbul şəhrədə de İroni xarici koon vəziri vəzifə icroəkə iştiroki bino bıə.bə İRNA doə məlumoti əsos,bənə “D8” zıney bıə həşt qılə inkişof kardə holədə bıə İslomi Kişfəron Qrupi fevğəlodə iclos de İron İslom Respublikə xarici koon vəziri vəzifə icroəkə Əli Bağıri Kəni iştiroki şanbə ruji çı İstanbul torixi Dolma Bağçə sarayədə bino be.bın iclosədə ğərəz İroni xarici koon vəziri vəzifə icroəkə,çe Pokistoni xarici koon vəzir Məhəmməd İshağ Dar, İndoneziyə xarici koon vəzir Retno Marsudi,Malayziyə xarici koon vəzir Məhəmməd Həsən, Banqladeşi rifoh vəzir Dipo Muni,Misr və Niqeriyə barzə səviyyənə rəsmiyon iştirok kardəşone.
Çın qrupi iclos de Tırkiyə xarici koon vəzir Hakan Fidani dəvəti təşkil bıə və bə Fələstini milləti xususən bə mıhosirə dılədə bıə Ğəzzə tanqə mərdumi çe “D8” koalisiyəku ziyodə dastəq iyən həmrayəti nışon doeyroye.həşt qılə inkişof kardə holədə bıə İslomi Kişfəron Qrup(D8) 8 inkişof kardə holədə bıə İslomi kişfəronku iborət ixtisodi qrup çın kişfəronku iborəte:İron,Tırkiyə, Pokiston,Banqladeş,İndoneziyə,Malayziyə,Misr iyən Niqeriyə.
