Tırkiyədə israili konsulqəri vədə, etırozinə aksiya
Tırkiyə millət de Ğəzzə millət bəştə himoyə iyən vəhdəti nışo doey xoto, İstanbulədə sionist rejimi konsulqəri vədə qırdə bin.
Bə Əlaləm xəbəiyə kanali raporti əsos, Tırkiyə millət, israili qenosid rejimi iğtisodi və siyosi sankisiya iyən ım rejimi ləşkəri komandaron mıhokimə kardey tələbışon heste.
Tırkiyə etırozəkəyon Fələstini milləti himoyə kardeyədə şuaron votışone iyən israil rejimi dəhşətinə həmlə vədə Fələstini millət və çəvon muğaviməti sitoyeş kardışone.
Tırkiyə millət beynəlxalğə iştimoiyətiku, bə fələstini ğəyri hərbion ələyh israili həmləon vəy qətey tələb kardışone.
Kali Tırkiyə etırozəkəyon həm İstanbulədə Azərbaycan Sokar nomo qazi şirkəti vədə qırdə bin iyən ım şirkəti mıtəhəm kardışone ki israili işğolçiyə rejimi qaz və nati təmin kardedə, iyən bə israili qaz və sotemoni vığandey bırniye tələb kardışone.
