Bə cinoyətkorə israili ələyh Pokistonədə Fələstini muğaviməti himoyədoron vəhdət
Pokistoni xarıci koon vəzorətxonə, ım kişvəri məzhəbi partiya rəhbəron, siyosi və parlamenti şəxsiyəton, İsmoil Həniyyə terrori məhkum kardey bəpeşt, sionist rejimi cinoyəton oqəteyro bə islom dınyo və məntəğə kişvəron vəhdəti təkid kardışone.
İslomi İnğilobi Sepah təşkiloti umumi rabitəon qıləy bəyoniyədə elonış kardə: İyulə manqi 31 minnə ruji çoşəmbə rujədə HAMAS-i siyosi ofisi yol, İsmoil Həniyyə iyən deəy bə ico bıə mıhofizonku qıləyni, Tehronədə çəvon sakin bıə vırədə bə hədəf ğəror qətey xoto, bə şəhodəti məğom rəsən.
Bə İrna raporti əsos, zinə əsrədə Pokistoni xarıci koon vəzorətxonə de qıləy bəyoniyə muntəşir kardey Tehronədə HƏMAS-i siyosi ofisi terrori məhkumış kardə və bə Fələstini millət iyən şəhid Həniyyə ayilə təsliyət votışe.
Im bəyoniyədə ijən omə ki ım hodisə, məntəğə vəziyət iyən sulhiro cəhdon zəif bəkarde.
Həminə holədə Pokistoni partiya Tehronədə bə sionist rejimi terroristiyə əməliyot və İsmoil Həniyyə şəhodəti xoto muxtəlifə şəhronədə etırozinə mitinq bərpo kardışone.
