SEPAH:İşğal bıə əraziyon dıli de ballistikə raketon hədəf qətey

SEPAH:İşğal bıə əraziyon dıli de ballistikə raketon hədəf qətey

 SEPAH:İşğal bıə əraziyon dıli de ballistikə raketon hədəf qətey

Bə İslomi İnğılobi Muhafizə Korpusi doə məlumoti əsos,de çandə da qılə ballistikə raketon bə işğal bıə əraziyon dıli hədəf qətey bıə.İslomi İnğılobi Muhafizə Korpusi elonədə votey beydə: seonist rejimi tərəfiku şəhid mıcohid İsmoyl Həniyyə ğətlədə İron İslom Respublikə suverenəti darıştey xoto və kişfəri ğanuni ıştənimıdofiyə həxı ələyh i mıddət təmkini bədiqə və de sehyonist rejimi təvəssıti rəşodətinə komandir Seyd Həsən Nəsrullah şəhodəti və de İslomi İnğılobi Muhafizə Korpusi Livanədə bıə ali mışovir,qeneral-mayor Seyd Əbbos Nilfuruşani bə şəhodət rosney xoto,İslomi İnğılobi Muhafizə Korpusi Aerokosmik Ğıvvon çandə da qılə ballistikə rəketışon bə işğal bıə sərzəminon dılə ğandəşone.

Bın bəyonotədə əlovə bıə:əqər seonist rejim kişfəri bə ğanuni həxon və bə beynəlxalğə qanunon əsos bıə ın əməliyyoti qıləy hərbi reaksiya bıdo,bəvədə həni həm de vironəkə həmləon dimbədim bome.