Fələstini sərzəmini işğal
Fələstini sərzəmini işğal
Çın sıvoli həmməysə muhimmə cəvob ıme ki,seonist rejim 1948-ə sori çı Ğərbi,xısusən həm de AİŞ və İnqilistoni dastəqi Fələstini sərzəmini işğal həm bıkon,de zəmoni dəvardey,işğal nəyinki nımande,hətto çın rejimi bo Fələstini sərzəmini tam işğaliro iyən çə vırə vətəndoon çəyo tojenro qıləy sinıbə iştəhoş həm heste.
De inqilison dastəqi Fələstini sərzəminədə pesoxtə bıə seonist rejimi onə bıə 1948-ə soriku jıqoşə bo Fələstınıjon şərayit har dəvardə ruji vey saxt beydə.nəyinki,çandə da həzo şəhid və çandə sa həzo zədəjəyon və təkrorinə canqon tətbiğ be,bəlkəm həm seoniston Fələstini,xususən həm Ğudsi tam yəhudi kardey planışon kəşe və bo fələstınıjon Fələstiniku co qılə sərzəminədə dıminə vətəni təklifışon doe.
Mısılmınon har ruj bə Məscidul-Əğsa şey-omey haruj vey saxt beydə.seonist rejimi əskəron har ruj de mıxtəlifə səbəbon fələstınıjə ibodətəkəyon bə Ğudsi şey-omey mane beydən və bo ibodətəkəyon sinni cəhəto məhdudiyyəton noydə.seonist rejimi əskəron fələstınıjon həbs və təhğır kardedən.əskəron de sədo bombəon tıpıney və de mısılmınon torsıney,çəvon bə məçiti daxil bey oqəteyro cəhd kardedən.
Fələstini Mığovimət qrupon de mıxtəlifə bəyonoton dərc kardey,ın hərəkəti məhkum kardedən və ımi qıləy oşkoə təcavuzış zınə.ın oşkoə təcavuzi vədə çe dınyo iştimoyi ray,fəğət de zohiriməhkum kardey kifoyətışon kardə.de dəb-dəbə pur bıə insonə həxon şuoron nəyinki,bo fələstınıjon istifodə kardey nıbe,həmən bə seoniston hevujə hoziyətiyon dastəkış həm doe.jıqo qıləy vəzyətədə Həmasi canqəvəron bə seonist rejimi ələyh Əl-Əğsa tufoni əməliyyotışon bə jimon dəvordıne.
