Bə Yəmən, Amerkə və Britaniya hərbi həmlə, İroni tərəfo məhkum bıə
İroni xarıci koon vəzorətxonə sıxənəvot, bə Səna, Əlhudeydə və Yəməni co qılə məntəğəon, Amerkə və Britaniya hərbi həmləon de şiddətin məhkumış kardə.
Bə İrna raporti əsos, İroni xarıci vəzorətxonə sıxənəvot votışe: bə Yəmən, Amerkə və Britaniya çand kərə həmlə, İ Bıə Milləton prinsipon və beynəlxalğə huğuği bə hisob omeydə.
İroni diplomatiya təşkiloti sıxanəvot, məntəğədə bestabiləti və noəmni dəvomi vey muhimmə amil, sionist rejimi canqtələbəti və işğolqəri dəvom zınəşe və de sionist rejimi, Livani ələyh həmlə iyən Ğəzzə tanqədə etosniye vəy qətey bənə məntəğədə sulh və stabiləti bəyji kardey zərurət təkidış kardə.
Bəğai ijən təsdiğış kardə: Fələstin, Livan və Suriyədə bə mısılmonə milləti ələyh, sionist rejimi cinoyəton reaksiyaədə, Yəməni millət və co qılə İslomi məntəğəon hərəkəton, Fələstin və Livani bıvə iyən hovəon ğətliam kardey vədə, çəvon təbii reaksiya be, iyən oşkoe ki bə Yəməni aqahə milləti ələyh, Amerkə və çəy mıttəfiğon səmtiku, bə hərbi ğıvvon ğəyri ğanuni təvəssul kardey, Fələstin və Livani millətiku muıdofiyə kardeyədə bə çəvon irodə və ğoyməti hiç təsirış ni.
Zinə sıb iyən 3 nubədə Amerkə və Britaniya ğırəkə təyyorəon, Yəməni ğərb, Əlhudəydə şəhri şimol ğərbədə Əlcəbbane məntəğə bombardımon kardışone.
